Lafz par Ashaar#7--" MAUSAM"

Abdullah Nazir · Post by **Abdullah Nazir** » Thu Apr 21, 2005 2:04 am

dilj silj le kp njoo ,aisa, jeoM saatj gizaremge

dounoN milkar jeewan kii taqdeer sanwaareNge.

Nazir.

Post by **Hashmat Usmani** » Thu Apr 21, 2005 2:57 am

tumhaare Gham kaa mausam hai abhii tak
lab-e-tashna pe shabnam hai abhii tak

Anees Ansaarii

Post by **Hashmat Usmani** » Thu Apr 21, 2005 3:12 am

aise hijr ke mausam ab kab aate haiN
tere 'alaava yaad hameN sab aate haiN

Shai'hryaar

Abdullah Nazir · Post by **Abdullah Nazir** » Thu Apr 21, 2005 3:34 am

beHr-e-hastii meiN tamavvuj ke Ajab mausam heiN

kabhii Toofan-e-balaa hei tou kabhi khaamoushii.

Nazir.

Post by **Hashmat Usmani** » Thu Apr 21, 2005 4:53 am

yuuN hii mausam kii adaa dekh ke yaad aayaa hai
kis qadar jald badal jaate haiN insaaN, jaanaaN!

AHmad Faraaz

Abdullah Nazir · Post by **Abdullah Nazir** » Thu Apr 21, 2005 1:26 pm

MaiN bhii mausam kii TaraH kaise badal saktaa hooN

mujhko aataa nahiN kyaa waAdah nibhaanaa jaanaaN.

Nazir.

Post by **Hashmat Usmani** » Fri Apr 22, 2005 2:15 am

phuul, Khushbuu, jhiil, mausam, dhuup, titlii aur havaa
sab ke chehroN par udaasii tere jaane ke baad

Sarvesh Chandausii

Abdullah Nazir · Post by **Abdullah Nazir** » Fri Apr 22, 2005 2:30 am

kunje-e-tanhaayi meiN thaa afsurdah aur naalaaN bahut

Mausam-e-gul aagayaa hei phir tire aane ke bad.

Nazir.

Post by **Hashmat Usmani** » Fri Apr 22, 2005 2:40 am

baarish huii to phuuloN ke tan chaak ho gaye
mausam ke haath bhiig ke saffaak ho gaye

Parveen "Shaakir"

Abdullah Nazir · Post by **Abdullah Nazir** » Fri Apr 22, 2005 2:46 am

MaiN tere saath kahaaN se kahaaN chalaa aayaa,

Purkaartaa hii rahaa mausam-e-bahaar mujhe.

Nazir.

Post by **Hashmat Usmani** » Fri Apr 22, 2005 3:03 am

uThii hai maGhrib se ghaTaa
piine kaa mausam aa gayaa

Hafeez Jullundhari

Abdullah Nazir · Post by **Abdullah Nazir** » Fri Apr 22, 2005 3:11 am

Mausam ke badalne se dunyaa tou nahiN badlii

aajaoo keh mil jul kar baateN kareN ham dounoN.

Nazir.

Post by **Hashmat Usmani** » Fri Apr 22, 2005 3:15 am

koii mausam ho, havaa le ke chalii aatii hai
duur pardes meN bhii Khaak-e-vatan kii Khushbuu

Malikzaada Manzoor AHmad

Abdullah Nazir · Post by **Abdullah Nazir** » Fri Apr 22, 2005 3:22 am

[/u]hamaare pyaar kaa mausam bhii hei ajab mausam

nah aasakegi khizaaN phir kabhi bahaar ke ba'd.[/u]

Nazir.
[/color

Post by **Hashmat Usmani** » Fri Apr 22, 2005 4:36 am

yeh udaasiyoN ke mausam kahiiN raayegaaN na jaayeN
kisii zaKhm ko kuredo, kisii dard ko jagaao

AHmad Faraaz