• Alif se shuroo hone waale ashaar yahaN post kareiN

Posted: **Mon Apr 25, 2005 8:49 am**

abr-e-reHmat tha ke thi ishq ki bijlee yaarab
jal gayee mizra-e-hasti, tu ugaa dana-e-dil

Posted: **Mon Apr 25, 2005 11:48 am**

Posted: **Mon Apr 25, 2005 12:54 pm**

ek saahil hi tha girdaab-e-shinaasaa pehle
ab to har dil ke safeene meiN bhanwar lagta hay
bakhsh lyalpurii

Posted: **Tue Apr 26, 2005 1:54 am**

aisaa bhii nahiiN k vo lauT kar na aayegaa
be_vafaa vo sahii, par itnaa bhii nahiiN!!!

Zor Daccanii

Posted: **Tue Apr 26, 2005 4:33 am**

aagayaa jab mauj meiN besaakhtah qaatil miraa

MaiN ne yeh samjhaa chalou dunyaa ko raahat hougaii.

Nazir.

Posted: **Tue Apr 26, 2005 4:45 am**

aaNkhoN se jo utrii hai dil meN
tasveer hai ik anjaane kii
use DhoonDh rahii hai shamm'a
kia baat hai us parvaane kii

MajrooH Sultaanpurii

Posted: **Tue Apr 26, 2005 4:51 am**

"intihaay-e-laagharii meiN jab nazar aayaa nah maiN

hans ke wo boule ke ab bistar ko jhaaRaa chaahiye."

Posted: **Tue Apr 26, 2005 6:11 am**

izhaar-e-moHabbat na kiyaa bas isii Dar se
aisaa na ho gir jaauun kahiiN unkii nazar se

Faiyaaz Haashmii

Posted: **Tue Apr 26, 2005 10:13 am**

aaj hanste haiN mire haal pe, haey re sitam!
wo, jo dete thay har-ik gham meiN dulaase pehle
khawar qureshi

Posted: **Wed Apr 27, 2005 12:25 am**

aghyaar haiN keh mast haiN sehba-e-aish se
maiN hooN keh meri hasrat-e-murdah khamosh hay
khawar qureshi

Posted: **Wed Apr 27, 2005 1:24 am**

aa bhii jaao k zindagii kam hai
tum nahiiN ho to har Khushii kam hai

Yaaminii Daass

Posted: **Wed Apr 27, 2005 3:32 am**

idhar hameN unkii bebasii kii khabar nahiN thii

urhar wo aalaam-e-shaam-e-furqat samajh nah paaye.

Nazir.

Posted: **Wed Apr 27, 2005 4:13 am**

aa jaayeN ham nazar jo koii_dam, bahut hai yaaN
mohlat basaan-e-barq_o_sharaar kam bahut hai yaaN

Meer Taqii "Meer"

Posted: **Wed Apr 27, 2005 11:05 am**

eemaan-o-aagahii ki ho ab khair, ham ne khud
dekha hay raushni se andheroN ka joR toR
khawar qureshi

Posted: **Wed Apr 27, 2005 11:10 am**

utra hay such ka teer mire dil me yak-ba-yak
barbaad hogaya mira barsoN ka jpR toR
khawar qureshi

Alif se shuroo hone waale ashaar yahaN post kareiN