Page 3 of 3
Posted: Thu Aug 30, 2007 11:31 am
by munir-armaan-nasimi
BAHUT BAHUT SHUKRIYA UmmAsad ji... lekin intehaayi maazerat chaahta hoon ke misra-e-sani meri samajh main shayad ghalat type ho gaya hai.... jara usko theek type kar dein ya phir......... URDU MAIN HI POST KAR DEIN.
Munir Armaan
Posted: Sat Sep 01, 2007 3:09 pm
by balvinder
ji Armaan bhaii bilkul bajaa farmaaya aapne....waaqaii aisa ho jaaye to ye mulk duniyaa ka sabse hasiiN mulk ho jaaye.....chaliye iske liye duaa karte haiN...
liijiye lafz ''mahak'' par ''Faiz'' sahab ka ye sher dekhiye..
jab tujhe yaad kar liyaa subah mahak-mahak uThii
jab teraa gham jagaa liyaa raat machal-machal gaii
Posted: Sat Sep 01, 2007 3:11 pm
by balvinder
tumhaare KhayaaloN kii aNganaaiyoN meiN, merii yaad ke phool mahake to hoNge
kabhii apanii aaNkhoN ke kaajal se tum ne meraa naam likh kar miTaayaa to hogaa
Posted: Sat Sep 01, 2007 3:15 pm
by balvinder
mahak jaate haiN gul jaise sabaa ke choom lene se
agar lahareN muKhaatib hoN kinaare bol paRhate haiN
Manzar bhopali
Posted: Sat Sep 01, 2007 3:16 pm
by balvinder
surKh phooloN se mahak uThatii haiN dil kii raaheN
din Dhale yooN terii aavaaz bulaatii hai hameN
''shaharyaar''
Posted: Sat Sep 01, 2007 3:23 pm
by balvinder
vo ajiib phool se lafz the tere hoNTh jin se mahak uThe
mere dasht-e-Khvaab meN door tak koii baagh jaise lagaa gaye
Amjad islam ''Amjad''
aaj ke liye bas itnaa hi...kuchh aour nazar meN aaye to haazir hotaa hooN....
Posted: Sat Sep 01, 2007 5:44 pm
by munir-armaan-nasimi
My Dear Balvinder Bhai,
Kamaal Kar Diya Aap ne.... Kahaan Kahaan se mere liye Mahakti Kaliyaan Dhoond dhoond kar laa rahe hain. Main aap ke shukriya kis monh se ada karoon. Yaqeen karein main dil ki tamaam tar gehraayion se aap ka shukr guzaar hoon ke aap ne meri ek awaaz pe itne phool "Mehka" diye ke pura "Urdubandhan" mahak mahak utha hai.
Alla'h kare hamari dosti ka ye bandhan toote na !!
aap ka apna,
Mahak Armaan Nasimi