SAWALIYAH ASH,AAR========

Post by **Daanish** » Wed Aug 23, 2006 11:30 am

'sawaaliyah'

zardi-e-ruKh, rona har dum ka, shaahid do jab aise hoN
chhahat ka insaaf karo tum, kyoN kar hum inkaar kareN
-Meer

Abdullah Nazir · Post by **Abdullah Nazir** » Wed Aug 23, 2006 11:34 am

tum kahaaN sunte hou ashkaoN ke Tapakne kee Sadaa?

MaiN bhee kartaa hooN kahaaN deeda-e-tar kee baateN.

Shaayer: Abdullah Nazir.

Nazir.

Post by **Daanish** » Thu Aug 24, 2006 3:32 am

'sawaaliyah'

isi fareb ne maara, ke kal hai kitni door
is aaj kal meiN abas din gaNwaaye haiN kya kya?
--Yaas Yagaana

Post by **PK Swami** » Thu Aug 24, 2006 3:53 pm

milaa na paaTh aur namaaz se jo, milaa na tiraTh se aur haj se
vo aik sajde meiN mil gayaa hai, ye raaH kyaa mukhtsar naheeN hai ?

kyoN dair.o.kabaa meiN usko DhoondooN, kyoN laa.makaaN ko karooN muqayyad
khudaa vo hargiz khudaa naheeN hai, jo udhar to hai aur idhar naheeN hai ! -- Darshanlal Barq

PK Swami

hassan_bashir · Post by **hassan_bashir** » Fri Aug 25, 2006 12:24 pm

bohat nazdeek aati jaa rahi ho
bichhaRne ka iraada kar liya kya?

Post by **Daanish** » Sat Aug 26, 2006 3:26 am

'sawaaliyah'

paas-e-naamoos-e-ishq thha warna
kitnay aaNsoo palak tak aaye thhe?
--Meer

Abdullah Nazir · Post by **Abdullah Nazir** » Sat Aug 26, 2006 3:33 am

ghaur kiyuN karte nahiN apne chalan per SaaHib

chaahne waale peh ilzaam lagaate kiyuN hou.

Shaayer: Abdullah Nazir.

Nazir.

Post by **Daanish** » Sat Aug 26, 2006 3:38 am

karte kis muNh se ho Ghurbat ki shikaayat Ghalib
tum ko bemehri-e-yaaraan-e-watan yaad nahiN?

Abdullah Nazir · Post by **Abdullah Nazir** » Sat Aug 26, 2006 4:11 am

zabH karke mujhe wo poochte heiN

kyaa bharousah hei jaan jaane tak?.

Shaayer: Abdullah Nazir.

Nazir.

Post by **Daanish** » Sat Aug 26, 2006 3:36 pm

'sawaaliyah'

nigaah-e-Husn ka Husn-e-talab hai jaan-e-umeed
umeed aisi, tau phir kyoN na jaan de koi--Yaas Yagaana

Abdullah Nazir · Post by **Abdullah Nazir** » Sat Aug 26, 2006 3:48 pm

kaheeN maiN khalwat o jalwat kaa raazdaaN tou nahiN

nah jaane tujh se mujhe itnaa pyaar hei kab se.

Shaayer: Abdullah Nazir..

Nazir.

Post by **PK Swami** » Sat Aug 26, 2006 6:08 pm

inaaN kee sabr.o.shukr se hotee hai jaaNwaree
daur.e falak se garche kisi ko mafar naheeN

din raat sabr.o.shukr se hai intzaam.e khalq
ye donoN mehr.o.maaH kahaaN jalwaagar naheeN ?

PK Swami

Post by **Daanish** » Sun Aug 27, 2006 2:52 am

'sawaaliyah'

saaya mera, mujh se micl-e-dood bhhage hai 'Asad'
paas mujh aatish_bajaaN ke, kis se Thhehra jaaye hai?
--Ghalib

Post by **Daanish** » Sun Aug 27, 2006 4:54 pm

'sawaaliyah'

maiN, aur bazm-e-mai se yuN tashna kaam aaoN
gar maiN ne ki thhi tauba, saaqi ko kya hua thha?--Ghalib

Abdullah Nazir · Post by **Abdullah Nazir** » Mon Aug 28, 2006 2:00 am

kyaa sukooN deeda-e-giryaaN ko milaa roukar bhee

ham tire paas nahiN haaye tire houkar bhee.

Shaayer: Abdullah Nazir

Nazir.

SAWALIYAH ASH,AAR========

???

???

???

???