Alif se shuroo hone waale ashaar yahaN post kareiN

Post by **najma** » Thu Apr 28, 2005 2:19 am

apnoN ne bhi na-jane kyuuN ajnabi hi samjha
esa bhi mujh pe guzra waqt aazmaaishoN ka
khawar qureshi

Post by **Hashmat Usmani** » Thu Apr 28, 2005 2:53 am

ab kaun baat rah gaii, yeh baat bhii gaii
ya'ni, kabhii_kabhii kii mulaaqaat bhii gaii

Mubaarak 'Azeemabadi

Post by **najma** » Thu Apr 28, 2005 3:02 am

aataa hay khauf mujhko ab har naey qadam par
sir se utaarrooN kyuuNkar pushtaara laGhzishoN ka
khawar qureshi

Post by **Hashmat Usmani** » Thu Apr 28, 2005 3:07 am

auroN kaa tajurba jo kuchh ho, magar, ham to, "Firaaq!"
talKhii-e-ziist ko jiine kaa mazaa kahte haiN

Firaaq Gorakhpuri

Post by **najma** » Thu Apr 28, 2005 3:08 am

aazmaaish ke liye saw jaan se haazir thii maiN
aap to bas mera dil hi aazmaa kar reh gaey
najma

Post by **Hashmat Usmani** » Thu Apr 28, 2005 3:15 am

is but_kade meN ma'nii kaa kis se kareN savaal
aadam nahiiN, suurat-e-aadam bahot hai yaaN

Meer Taqii "Meer"

Post by **najma** » Thu Apr 28, 2005 11:12 am

apni saari khushyaaN de kar dard ka sauda kar baiThe
lekin haey rii zalim qismat!ab hameN hosh-o-hawaas kahaaN
khawar qureshi

Post by **Hashmat Usmani** » Thu Apr 28, 2005 11:34 am

uNheN yeh zid k mujhe dekh kar, kisii ko na dekh!
meraa ye shauq k sab se salaam kartaa chaluuN

Shaadaab Laahorii

Post by **najma** » Thu Apr 28, 2005 11:35 am

ab ke baras bhi shehr me tere habs wohii hay, log sabhi
phirte haiN girebaaN chaak kiye, haey tujhe eh,saas kahaaN
khawar qureshi

Post by **Hashmat Usmani** » Thu Apr 28, 2005 11:50 am

ab mujhko hai qaraar to sab ko qaraar hai
dil kia Thahar gayaa k zamaanaa guzar gayaa

Seemaab Akbarabadi

Post by **najma** » Thu Apr 28, 2005 12:43 pm

umaDta hay badal, barasta hay paanii
tamashabanii ashk-e-Gham ki kahaanii
khawar qureshi

Post by **Hashmat Usmani** » Thu Apr 28, 2005 12:47 pm

aabla_paa koii is dasht meN aayaa hogaa
varna aaNdhii meN diyaa kis ne jalaayaa hogaa!

Meena Kumari "Naaz"

Post by **najma** » Thu Apr 28, 2005 1:45 pm

ab zulmatoN meiN dhoonDte phirte haiN rah-guzar
bhaTka tha gujnuoN ke ta,aaqub meiN karawaaN
khawar qureshi

Post by **Hashmat Usmani** » Thu Apr 28, 2005 1:50 pm

udhar ek Harf ki kushtanii, yahaaN laakh 'uzr thaa guftanii
jo kahaa to sun ke uRaa diyaa, jo likhaa to paR ke miTaa diyaa

Faiz AHmad "Faiz"

Post by **najma** » Thu Apr 28, 2005 1:56 pm

uljhii huee hay shauq ki raftaar raah meiN
har gaam par hay rasm ki deewaar raah meiN
khawar qureshi