Ustaad Sho'ara ke 'MAQTE' post karein..

[Ibn-e-siddique]

maiN us ko manaauN ke gham-e-dehr se uljhooN
moHsin voh koi kaam bhi karne nahiN deta

[zmufti]

vo laakh zood faramosh ho "Fraaz" magar
isse bhee mujh ko bhulaane meN ik zamana laga

[Muzaffar Ahmad Muzaffar]

laakh ruswaa sahee Jigar lekin
khush naz^ar bhee hai khush kheyaal bhee hai!

Jigar MuradAbadi

[Ibn-e-siddique]

dik ke varaq pe cabt haiN sad mohr-e-daagh-e-ishq
ham karte ZAUQ ishq ka daa'va sanad se haiN

[zmufti]

ae saakanaan-e-kuchaa-e-dil_daar dekhanaa
tum ko kahiiN jo Ghalib-e-aashuftaa sar mile

[Muzaffar Ahmad Muzaffar]

batao kaon hai be a'aeb Nazir
ta'ajub kiya khat^a ham ne agar kee!

Abdulah Nazir SaaHib

[Muzaffar Ahmad Muzaffar]

zisar taa paa Jigar woh bhee muHabbat hee muHabbat haiN
magar un kee muHabbat Saaf pehchanee naheeN jatee!

Jigar Muradabadi

[balvinder]

hazrat-e-''dil'' ! kuchh to kahiye vaaqayaat-e-ziNdagii
haNs diye haNgaam-e-giriyaa aap yah kyaa raaz hai

''dil'' shahjahaaNpuri

[rukhsar]

os say wabasta rakhaiN saari umeedaiN tum nay
jis say aifa na hoa koi bhi wa,ada BARLAAS

MURTUZAA BARLAAS
.......................

[Muzaffar Ahmad Muzaffar]

ba'd marne ke miree qabr par aayaa woh "Mir"
yaad aaee mire e'eesa ko dawa mere ba'd!

Mir Taqi Mir

[balvinder]

jashn-e-ghazal-saraaii meN taaviiq kis liye
koii nahiiN hai bazm-e-suKhan meN, ''ziya'' to hai

''ziya'' fatehabadi

[Muzaffar Ahmad Muzaffar]

Khuda naSeeb kare unko daae'mee khushiyaaN
A'dam woh loog jo ham ko udaas rakhte haiN!

A'dam

[balvinder]

zabaaN par raaz ki baateiN haiN ''beKhud'' !
kahiiN se aaj bhii aaya hai too kyaa ?

''beKhud'' dehalvi

[ummassad]

wahi ak khamoosh nagma hey SHAKEEL jaan e hasti
jo zaban tak na aaye jo kalaam tak na pahunchey.

[Muzaffar Ahmad Muzaffar]

Qamar Zara bhee naheeN tum ko khaof-e-ruswaee
chale ho chaandanee shab meN unheeN bulane ko!

Qamar Jalalwi