Sher ke doosre misre ke pehle/aakhri alfaaz se sher kahiye!

Post by **Hashmat Usmani** » Mon May 16, 2005 11:51 pm

yahaaN se ab kahiiN le chal Khayaal-e-yaar mujhe
chaman meN raas na aayegii yeh bahaar mujhe

Aziiz Waarsii
CHAMAN / MUJHE

Post by **najma** » Tue May 17, 2005 11:00 am

sara_j wrote:
najma wrote:is tarah sheesha-e-dil TooT ke bukhra hay mira
maiN ne chaahaa keh uThaalooN, to uThaa bhi na sakii
najma
(waah!)

main bhuul jaauuN ab yahii munaasib hai
magar bhuulanaa bhii chaahuuN to kis tarah bhuuluuN
ki tum to phir bhii haqiiqat ho koii Khvaab nahiin
yahaaN to dil kaa ye aalam hai kyaa kahuuN

yahaaN / kahuuN

bohat shukriya sara j

Post by **najma** » Tue May 17, 2005 11:05 am

sara_j wrote:chaman roye hanse shabnam biyaabaaN par nikhaar aaye

ek aisaa bhii nayaa mausam mere parvar-digaar aaye

ek / aaye

ek maiN hooN ek meri be-kasi ki shaam hay
ab to tujhbin zindagii bhi mujh pe ik ilzaam hay
ab/hay

Post by **Hashmat Usmani** » Wed May 18, 2005 4:36 am

hai bas k har ik unke ishaare meN nishaaN aur
karte haiN moHabbat to guzartaa hai gumaaN aur

Chachaa
KARTE / AUR

Post by **Hashmat Usmani** » Wed May 18, 2005 4:55 am

raah aasaan ho gaii hogii
jaan pahchaan ho gaii hogii

Saifuddin Saif
JAAN / HOGI

Abdullah Nazir · Post by **Abdullah Nazir** » Wed May 18, 2005 4:55 am

reh gaii baat adhuri miri waqt-e-rukhsat

tum se kehdoongaa wo dobaarah mulaaqaat ke bad.

tum /bad

Nazir.

Post by **Hashmat Usmani** » Wed May 18, 2005 5:06 am

tum aa.Nkho.n se duur ho hu_ii niind aa.Nkho.n se duur
mere saathii Gam kii choT se huaa dil kaa shiishaa chuur

Azeez Kashmiri
MERE / CHUUR

Post by **najma** » Wed May 18, 2005 12:36 pm

mire dil ki dhaRkanoN se tira Gham hay aashkaara
keh yehii Gham-e-muqaddas, mire dil ka hay sahaara
najma

keh/ sahaara

Post by **Hashmat Usmani** » Fri May 20, 2005 1:28 am

salaam Hamsheerah saaHiba,

kaii dinoN se lafz-e-"sahaara" par she'r na mila so Had darja majboori fil_badeeh yeh she'r kahnaa paRaa lol

sahaaraa mil gayaa hotaa, agar terii moHabbat mil gaii hotii
kinaara mil gayaa hotaa, agar terii 'inaayat mil gaii hotii

Hashmat usmani
KINARA / HOTI

Post by **najma** » Fri May 20, 2005 2:03 am

baat niklii, to baat chal niklii
baRh gaee baat, baatoN baatoN meiN
najma

Post by **najma** » Fri May 20, 2005 2:10 am

kar gaee kaam pehlii fursat meiN
haey wo ik nazar, mohabbat-paash

najma

haey/mohabbat-paash

Abdullah Nazir · Post by **Abdullah Nazir** » Fri May 20, 2005 2:12 am

baRhgaiee Hasrat-e-deedar tiri furqat meiN

Aur tuu hei kei ke miri dil-shani per qaayim.

Nazir.

Post by **najma** » Fri May 20, 2005 2:14 am

WEBMASTER wrote:

baRhgaiee Hasrat-e-deedar tiri furqat meiN

Aur tuu hei kei ke miri dil-shani per qaayim.

Nazir.

she,r to haey/mohabbat-paash se shuru hona chahiye tha

:P

Post by **najma** » Fri May 20, 2005 2:25 am

subh hoti hay shaam hoti hay
umr yuunhii tamaam hotii hay

umr/ hay

Post by **Hashmat Usmani** » Fri May 20, 2005 4:26 am

'umr jalvoN meN basar ho, ye zaruurii to nahiiN
har shab-e-Gham kii saHar ho, ye zaruurii to nahiiN

Khaamosh Dehlavii

Sher ke doosre misre ke pehle/aakhri alfaaz se sher kahiye!

reh

baRh

Re: baRh