Lafz par Ashaar#7--" MAUSAM"

Post by **Hashmat Usmani** » Thu Apr 28, 2005 10:28 am

chaak-e-jigar muhataaj-e-rafuu hai aaj to daaman sirf lahuu hai
ek mausam thaa ham ko rahaa hai shauq-e-bahaaraa.N tumase ziyaadaa

MajrooH Sultaanpuri

Post by **najma** » Thu Apr 28, 2005 2:00 pm

baarish huee to phooloN ke tan chaak ho gaey
mausim ke haath bheeg ke saffaak ho gaey
p.shakir

Post by **Hashmat Usmani** » Thu Apr 28, 2005 2:09 pm

waqt guzraa hai par mausam nahiiN badlaa, yaaro!
aisii gardish hai zamiiN Khud bhii duhaaii degii

Anwar Masood

Post by **Hashmat Usmani** » Thu Apr 28, 2005 5:04 pm

aaj gulistaaN meN phailii hai Khushbuu terii yaadoN kii
mausam-e-gul hai, ham haiN, tanhaa dil par gahraa daaGh liye

Krishn "Adeeb"

Post by **najma** » Thu Apr 28, 2005 6:44 pm

sard mausim meiN kaheeN saaNs na jamne paey
jism ke khol meiN ik shola, sadaa ka rakhna

Post by **Hashmat Usmani** » Thu Apr 28, 2005 8:09 pm

mumkin hai k tu jisko samajhtaa hai bahaaraaN
auroN kii nigaahoN meN vo mausam ho KhizaaN kaa

'allaamah Iqbaal

Post by **najma** » Thu Apr 28, 2005 10:23 pm

SUN RAHA HOON NAVEED E MAUSAM E GUL
SHAKL AB TAK NAZAR NAHIN AATI
waqar zaidi

Post by **Hashmat Usmani** » Fri Apr 29, 2005 12:34 am

kaun batlaaye tumheN kaise vo mausam haiN k jo
mujh se hii duur raheN, mujh meN hii baste jaayeN

Ummeed Faazlii

Post by **najma** » Fri Apr 29, 2005 12:57 am

rut na badle to bhi afsurdah shajar lagta hay
aur mausim ke taghayyur se bhi Dar lagta hay

Post by **Hashmat Usmani** » Fri Apr 29, 2005 1:17 am

mausam ko ishaaroN se bulaa kiuN nahiiN lete
ruuThaa hai agar vo to manaa kiuN nahiiN lete

Zafar Gorakhpuri

Post by **najma** » Fri Apr 29, 2005 1:56 am

mausim kahaaN maantaa hai tahaziib kii bandhishon ko
jismon se baahar nikal ke angaDaa_iyaaN boltii hain

Post by **Hashmat Usmani** » Fri Apr 29, 2005 2:13 am

mere Haal pe Hairat kaisii dard ke tanhaa mausam meN
patthar bhii ro paRte haiN, insaan to phir insaan huaa

MoHsin Naqvii

Post by **Hashmat Usmani** » Fri Apr 29, 2005 2:53 am

kaliyoN ne bhii khil_khil ke rituoN ko sadaa dii hai
pattoN ne bhii hil_hil ke shaaKhoN ko havaa dii hai
mausam pe bahaar aaii, mere dil kaa chaman viraaN

Kumar "AaNsoo"

Post by **najma** » Fri Apr 29, 2005 7:53 am

lutf jo us ke intazaar mein hay
vo kahaaN mausim-e-bahaar meiN hay

Post by **syed bilal armaan** » Fri Apr 29, 2005 8:25 am

koi badal naye MAUSAM ka phir elaan karta hai
khaz'an ke baagh main jab ek pata bhi nahi raheta...