Sher ke doosre misre ke pehle/aakhri alfaaz se sher kahiye!

Abdullah Nazir · Post by **Abdullah Nazir** » Wed Jul 19, 2006 9:10 am

maiN apni jaan se baRhkar tujhe samjhaa kiyaa lekin

nah kee tuu ne kabhi beemaar-e-furqat kee maseeHaayi.

Shaayer: Abdullah Nazir

Nazir.

hassan_bashir · Post by **hassan_bashir** » Mon Jul 31, 2006 1:09 pm

na gul khile haiN, na unase mile, na mai pii hai,
ajeeb raNg meiN ab ke bahaar guzarii hai!!!!!!!

~ ajeeb / hai ~

Abdullah Nazir · Post by **Abdullah Nazir** » Tue Aug 01, 2006 4:59 am

ajeeb shewa-e-ghamkhwaar hei keh gham de kar

gurez kartaa hei mujh se kisi Adoo kee Tarah.

Shaayer: Abdullah Nazir.

Nazir.

hassan_bashir · Post by **hassan_bashir** » Sat Aug 05, 2006 10:26 am

gurez kaa naheeN qaayal hayaat se lekin?!
jo suCh kahuN to mujhe maut nagavaar naheeN!!

~ jo / naheeN ~

Post by **zmufti** » Sat Aug 05, 2006 7:04 pm

gaye dino.n kaa suraaG lekar kidhar se aayaa kidhar gayaa vo
ajiib maanuus ajanabii thaa mujhe to hairaan kar gayaa vo

ummassad · Post by **ummassad** » Sat Aug 05, 2006 9:35 pm

vo gulandaam jinka khaleq sermaiya thaa jeeney ka
vo ben ben ker chirag.e.mahfil.e.jaan yaad aatey hain

Abdullah Nazir · Post by **Abdullah Nazir** » Sun Aug 06, 2006 3:43 am

wo unki Zid ke jaayenge nah mere khaana-e-dil se

wo meraa un se kahnaa Theek hei mujh se nah sharmaaou.

Shaayer: Abdullah Nazir.

Nazir.

ummassad · Post by **ummassad** » Sun Aug 06, 2006 6:32 am

wo baat saarey fasaaney main jiska ziker na tha
wo baat unko bahout nagawar guzri hey

Abdullah Nazir · Post by **Abdullah Nazir** » Mon Aug 07, 2006 5:30 am

b]

wo apne Ahd-e-muHabbt kaa zikr karte rahe

MaiN chup rahaa keh ah houjaaye meri ruswaayi

wo / ruswaayi

Shaayer: Abdullah Nazir.

Nazir.
[/b]

Post by **zmufti** » Mon Aug 07, 2006 6:01 am

mai.n ehavaal-e-dil mar gayaa kahate kahate
thake tum na "bas, bas, sunaa!" kahate kahate

Post by **zmufti** » Wed Aug 09, 2006 3:10 pm

chaahiye achchho.n ko jitanaa chaahiye
ye agar chaahe.n to phir kyaa chaahiye

Mirza GHalib

ummassad · Post by **ummassad** » Wed Aug 09, 2006 3:13 pm

ye kahan ki doosti hey kh bane hain doost nasehe
koi chara saaz hota koi gumgusar hota.

ummassad · Post by **ummassad** » Wed Aug 09, 2006 7:31 pm

kabhi kabhi vo jo gurbatkadey main aaye hain
mery bahey huvey aansoo jabeen pe laaye hain.

Post by **Daanish** » Thu Aug 10, 2006 2:54 am

haiN ishq ke tamaam yeh nairang_saaziyaaN
matlab hai ek asl meiN naaz-o-niyaaz ka--Rashki Dehalvi

Post by **zmufti** » Sat Aug 12, 2006 2:59 pm

bhiigii hu_ii aa.Nkho.n kaa ye ma.nzar na milegaa
ghar chho.D ke mat jaao kahii.n ghar na milegaa