Sher ke doosre misre ke pehle/aakhri alfaaz se sher kahiye!

[hassan_bashir]

hai ishq-e-junuuN-peshaa haaN ishq-e-junuuN-peshaa,
aaj ek sitamagar ko haNs haNs ke rulaanaa hai !!!!!!!!

aaj ~ hai

[Shummu]

aaj ke daur meiN ai dost ye maNzar kyuN hai?
zaKhm har sar pe har ik haath meiN patthar kyuN hai?

zaKhm/hai

[hassan_bashir]

zaKhm ko phuul to sar-sar ko sabaa kahate haiN
jaane kyaa daur hai kyaa log haiN kyaa kahate haiN

jaane ~ haiN

[hassan_bashir]

is naaz is aNdaaz se tum haaye chalo ho
roz ek Ghazal ham se kahalavaaye chalo ho

roz ~ ho

[Abdullah Nazir]

roz o shab dil meiN heiN yaad-e-yaar kee parchaayiaaN

dasht-e-ghurbat meiN junoon-e-shauq kee Had hougayi.

Shaayer: Abdullah Nazir.

( "ye" )


Nazir.

[Abdullah Nazir]

gard-e-safar hei aur maiN raah-e-wafaa meiN gaamzan

dil ke mashaqqtaoN kee ab kaun sunegaa daastaaN.

Shaayer: Abdullah Nazir.

( dil / daastaaN )


Nazir.

[hassan_bashir]

haath seene pe jo rakh do to qaraar aa jaaYe!
dil ke ujaRe hue gulashan meiN bahaar aa jaaYe!!


dil ~ jaaye

[hassan_bashir]

kyooN Raza aaj gali suuni hai, uTh mire dhuum machaane vaale!
aaNkheN ro ro k sujaane vaale, jaane vaale naheeN aane vaale!!

aaNkheN ~ vaale

[Abdullah Nazir]

aankheN dikhaarahe hou jou chupkar niqaab meiN

Soorat agar dikhaaou tou houjaaooN muTma'in.

Shaayer: Abdullah Nazir.

( "Soorat / MuTma'in" )


Nazir.

[hassan_bashir]

jaayeN bhi us galii meiN to muNh se jaayeN ham?!
yeh baat soCh soCh k aaNsoo bahaaaayeN ham!!


yeh ~ ham

[Abdullah Nazir]

yeh seHr-e-ahl-e-dunyaa hei wagarnah

kami kab thee duAa'aoN ke acar meiN..

Shaayer: Abdullah Nazir.

kami / meiN


Nazir.

[muhammad_19k]

meiN akaila hi chala thaa janib e manzil magar,
log saath aate ga-aye oar karwaaN bantaa gayaa.

[muhammad_19k]

words for next shair,

log----- gayaa.

[Abdullah Nazir]

tu hee nahiN kuch malool yaaro

uRti hei yahaaN bhee dhool yaaro.

Shaayer: Abdullah Nazir.

uRti / yaaro


Nazir.

[hassan_bashir]

ab agar aao to jaane k liYe mat aanaa
sirf ehsaan jataane k liYe mat aanaa

sirf ~ aanaa