Sher ke doosre misre ke pehle/aakhri alfaaz se sher kahiye!

Post by **zmufti** » Thu Dec 14, 2006 6:36 am

vaqt-e-safar qariib hai bistar sameT luu.N
bikharaa hu_aa hayaat kaa daftar sameT luu.N

hassan_bashir · Post by **hassan_bashir** » Thu Dec 14, 2006 7:36 am

bikharaa paRaa hai tere hii ghar meiN teraa vajuud
bekaar mahafiloN meiN tujhe DhuuNDhtaa huuN maiN

bekaar / maiN

Abdullah Nazir · Post by **Abdullah Nazir** » Fri Dec 15, 2006 2:20 am

bekaar gayi saAy-e-mudaawaay-e-gham-e-dil

Nazir nah tamanna karo phir chaarah-gari kee.

Shaayer: Abdullah Nazir.

Nazir /keer.

Nazir.

Abdullah Nazir · Post by **Abdullah Nazir** » Sat Dec 16, 2006 5:59 am

miltaa hei kab kisi se mire qalb ko sukooN

us bewafaa ne rakhkhaa mujhe pech o taab meiN.

Shaayer: Abdullah Nazir.

"us /. meiN"

Nazir.

hassan_bashir · Post by **hassan_bashir** » Sat Dec 16, 2006 8:13 am

us ki hasrat hai jise dil se miTaa bhi na sakoooooooN
DhuNDane us ko chalaa hooN jise paa bhi na sakooN

DhuNDane / sakooN

Abdullah Nazir · Post by **Abdullah Nazir** » Sun Dec 17, 2006 6:19 am

Dhoondne se bhee kahaaN miltaa hei dunyaa meiN sukooN

ab wo pahli see muHabbat nahiN insaanaoN meiN.

Shaayer: Abdullah Nazir.

ab / meiN:

Nazir.

Abdullah Nazir · Post by **Abdullah Nazir** » Mon Dec 18, 2006 3:41 am

jis din se dil meiN aaye hou kuch soojhtaa nahiN

rehtaa hooN intizaar meiN shaam-e-viSaal ke.

Shaayer: Abdullah Nazir.

"rehtaa / ke"

Nazir.

Abdullah Nazir · Post by **Abdullah Nazir** » Mon Dec 18, 2006 7:48 pm

kab tak ai dil wo nazar-nandaaz kardenge tujhe

ik nah ik din meri chashm-e-nam se sharmaa jaayenge.

Shaayer: Abdullah Nazir.

ik / jaayenge

Nazir.

hassan_bashir · Post by **hassan_bashir** » Mon Dec 18, 2006 7:56 pm

ik intazaaaaaaaar saa thaa ab nazar meiN vo bhii naheeN
safar meiN marane kii fursat thii ghar meN vo bhii naheeN

safar / naheeN

Abdullah Nazir · Post by **Abdullah Nazir** » Tue Dec 19, 2006 2:42 pm

nahiN yaas o HirmaaN se ham ko taAalluq

magar HasrataoN ke yeh baar aur kab tak.

Shaayer: Abdullah Nazir.:

Nazir.

hassan_bashir · Post by **hassan_bashir** » Thu Dec 21, 2006 8:11 am

kab tak dil kii Khair manaayeN, kab tak raah dikhaaoge?
kab tak chain kii mohalat doge, kab tak yaad na aaoge?

Kab / aaoge

Abdullah Nazir · Post by **Abdullah Nazir** » Sat Dec 23, 2006 6:20 am

"shab-e-viSaal bujhaado tum in charaaghaoN ko

khushee kee bazm meiN kyaa kaam jalne waalaoN kaa".

Shaayer: naamaAloom

khushee / kaa

Nazir.

hassan_bashir · Post by **hassan_bashir** » Sun Dec 24, 2006 6:04 am

Khushii ne mujh ko Thukaraayaa hai raNj-o-Gham ne paalaa hai
guloN ne beruKhii kee hai to kaaaaaaaaNToN ne saNbhaalaa hai

Post by **balvinder** » Mon Dec 25, 2006 10:14 am

hai tumhare liye kuchh aisee aqeedat dil main
apne haatho'n mein duaao'n sa utha lein tum ko

hassan_bashir · Post by **hassan_bashir** » Tue Jan 16, 2007 6:44 am

apne ham-raaaaah jo aaaaate ho idhar se pahle
dasht paRtaa hai miyaaN ishq meiN ghar se pahle

dasht / pahle

Sher ke doosre misre ke pehle/aakhri alfaaz se sher kahiye!

bekaar

"miltaa"

DhoonDne

jis

kab

naheeN

shab