OLD is GOLD #3...Raf'ii/Lata...dekho rooThaa na karo

[Hashmat Usmani]

salaam/aadaab saathiyo,

aajkii 3ri qist Haazir-e-Khidmat hai. is naGhme ko maiN ne film "tere ghar ke saamne" se liya hai jisko Mohd. Rafi aur Lata Mangeshkar ne apnii aavaazoN se sajaayaa hai. naGhma_nigaar Hasrat Jaipuri aur mausiqaar maestro Sachin Dev Burman haiN. to, naGhma mulaahizah farmaaiye:

(Rafi: dekho rooThaa naa karo, baat nazroN kii suno
Lata: ham na boleNge kabhii, tum sataayaa naa karo ) - 2
Rafi: dekho rooThaa naa karo

Rafi: chai'hraa to laal huaa, kyaa kyaa haal huaa
is adaa par teri, maiN to paamaal huaa
tum bigaRne jo lago, aur bhii hasiiN lago
Lata: ham na boleNge kabhii, tum sataayaa naa karo
Rafi: dekho rooThaa naa karo

Lata: jaan par merii banii, aapkii Thai'hrii haNsii
haay! maiN jaan gaii, pyaar kii fitnaagarii
dil jalaane ke liye, ThanDii aaheN na bharo
Rafi: dekho rooThaa naa karo, baat nazroN kii suno
Lata: ham na boleNge kabhii

Rafi: terii Khushboo ne mire, hosh bhii chhiin liye
hai Khushii aaj hameN, tere pai'hloo meN gire
dil kii dhaRkan pe zaraa, phool saa haath rakkho
Lata: ham na boleNge kabhii, tum sataayaa naa karo
Rafi: dekho rooThaa naa karo

Lata: kyaa kahegaa ye samaaN, in raahoN kaa dhuaaN
laaj aaye mujhe, mujh ko laaye ho kahaaN
ham tumheN maan gaye, tum baRe VO ho! haTo!!
Rafi: dekho rooThaa naa karo, baat nazroN kii suno
Lata: ham na boleNge kabhii, tum sataayaa naa karo
Rafi: dekho rooThaa naa karo