hayaat le ke chalo

Post by **Mahtab Qadr** » Sun Dec 12, 2004 8:02 am

Hayaat le ke chalo kaiyenaat le ke chalo
chalo to saray zamanay ko sath le ke chalo

Post by **Hashmat Usmani** » Sun Dec 12, 2004 8:21 am

laayii Hayaat, aaye; qazaa le chalii, chale
apnii Khushii na aaye, na apnii Khushii chale!

Meer Taqii "Meer"

Post by **Naveed_Ahmad_Naveed** » Sun Dec 12, 2004 8:23 am

khushamdeed mohtaram.
aap ko dekh kar be had khushi hovi.aur dil ki gehraioN se aap ka istqbaal hai.
sh'er naye navele MB ki manasbat se khoob hai. :)

Jibraan Khalil · Post by **Jibraan Khalil** » Sun Dec 12, 2004 8:36 pm

Mahtab Qadr wrote:Hayaat le ke chalo kaiyenaat le ke chalo
chalo to saray zamanay ko sath le ke chalo

bhai Mehtab qadr ki nazar :

hum tou kafan bardosh chale ' tum
sar par salamat sehre rakhna

jk.

Post by **Star Mind** » Sun Dec 12, 2004 9:39 pm

Hashmat Usmani wrote:laayii Hayaat, aaye; qazaa le chalii, chale
apnii Khushii na aaye, na apnii Khushii chale!

Meer Taqii "Meer"

MoHtarami Usmani SaaHib, aap ka bahut bahut shukriya, is qad khoobSoorat she'ar share karne par.
JahaaN tak miree naaqiS ma'loomat haiN , yeh she'ar Janab-e-zauq ka hai na k Meer Taqii meer ka.
aap nazara-caani kejeye . shukriya

MokhliS: Zia Baloch

Post by **Hashmat Usmani** » Fri Dec 17, 2004 2:04 am

Star Mind wrote:
Hashmat Usmani wrote:laayii Hayaat, aaye; qazaa le chalii, chale
apnii Khushii na aaye, na apnii Khushii chale!

Meer Taqii "Meer"
MoHtarami Usmani SaaHib, aap ka bahut bahut shukriya, is qad khoobSoorat she'ar share karne par.
JahaaN tak miree naaqiS ma'loomat haiN , yeh she'ar Janab-e-zauq ka hai na k Meer Taqii meer ka.
aap nazara-caani kejeye . shukriya

MokhliS: Zia Baloch

salaam Zia saaHib,

aapkii yaad-daasht masha Allah bahot zabardast hai. yeh Ghalatii meri hii kohna dimaaGhii ka nateeja hai. aapne bajaa farmaayaa yeh she'r ustaad Zauq ka hii hai, maiN na jaane kis dhun meN yeh likh baiTha. Khuda gawaah hai TUN nahiiN thaa

tasHeeH farmaayii ka shukria.

Post by **Hashmat Usmani** » Fri Dec 17, 2004 2:07 am

qaid-e-Hayaat o band-e-Gham, asl meN donoN ek haiN
maut se pahle aadmii Gham se najaat paaye kiuN?

Ghaalib

Post by **Hashmat Usmani** » Sat Dec 18, 2004 12:33 am

ham ne maana ki taGhaaful na karoge, lekin
Khaak ho jaayeNge ham! tumko Khabar hone tak!!

Ghaalib

Harf-e-"kaaf" se, plz.

Post by **Hashmat Usmani** » Sun Dec 19, 2004 2:26 pm

Hasrat-e-lazzat-e-aazaar rahii jaatii hai
jaada-e-raah-e-vafaa juz dam-e-shamshiir nahiiN

Ghaalib

Harf-e-"noon" se agla she'r, plz.

hayaat le ke chalo

hayaat le ke chalo

Re: hayaat le ke chalo