Harf-e-"Te" se ash'aar qalam_band kijiiye

[Hashmat Usmani]

salaam dosto,

Harf-e-"Te" se ash'aar likhiiye, plz. "TE" jaise Tamaatar.

Takraa hii gaii merii nazar un kii nazar se
dhonaa hii paRaa haath mujhe qalb-o-jigar se

Faiyaaz Kaazmii

[najma]

TooT jaata hay sheesha-e-dil bhi
koee ummeed TooT jane se

najma

[Hashmat Usmani]

TooTe huye KhowaaboN ne, hamko yeh sikhaayaa hai
dil ne jise paayaa thaa, aaNkhoN ne gaNwaayaa hai

Shakeel Badaayuunii

[najma]

TaaNkay haiN jo shabnam ne girebaan-e-sahar meiN
kis deeda-e-giryaaN ne luTaaey thay wo motee

[Taskeen]

Tasweer banata hoon tasweer naheen banti
ek khawaab sa dekha hai tabeer naheen banti

[najma]

Tasweer banata hoon tasweer naheen banti
ek khawaab sa dekha hai tabeer naheen banti

janab
apka she,r =tay=se shuru hay,jo ghalat hay.saheeh har =Tay = hay(not =tay=)

[najma]

TimTimaatay rahay hasratoN ke diye
muskuratii rahii raat-bhar chandnii
sGhar

[najma]

Thehro abhi to sub,h ka taaraa hau zau-fishaaN
dekho, mujhe fareb na do, maiN nashe meiN hooN
saGhar

[najma]

tawajjuh se teri phir khul rahe hain

wagarna zakhm tou yo sil chuke the

ye tsawwur walii tay naheeN hay
ye TIMATAR wali Tay hay

[Abdullah Nazir]

tamanna thii ke dekhen us gul-e-tar kii haqeeqat ko

magar zaalim andaaz-e-taAlluq hii badal Daalaa.


Nazir.

[najma]

TooT jaaey jis-tarah ehd-e-jawaanii meiN kamar

sir pe yuuN TooTaa hay mere inqilaab-e-fitna-gar

khawar

[najma]

tamanna thii ke dekhen us gul-e-tar kii haqeeqat ko

magar zaalim andaaz-e-taAlluq hii badal Daalaa.


Nazir.

========please note=======


ye tamannaa walii tay naheeN hay
ye TIMATAR wali Tay hay
thanx

[najma]

Theekra jese ho miTTii ka kaheeN Thokar meiN
dehr meiN dil ki ye auqaat huee jaatii hay
khawar

[shahnaz zafar]

toot ker bikhri huee talwaar ke tukrey samait
aur apney haar jaaney ka sabab maloom ker

[najma]

Theher jaao aaNkhoN meiN thoRaa saa dam hay

unheiN dekh leiN warna hasrat rahe gii