Janab PK Swami kaa garmjoushi se istiqbal karte heiN

Abdullah Nazir · Post by **Abdullah Nazir** » Wed Jul 06, 2005 4:28 am

MuHtaramah
Janab PK Swami Saahib

Tasleemaat o Khushaamaded,

urdubandhan per jo aapki apni site hei ham sab aapka isteqbaal karte heiN aur ummeed hei ke yahaaN aapka waqt khushgawaar maaHaul meiN guzregaa.

Aap apni adabi takhleeqaat aur tabsiraoN se navaazkar hameN shukriya adaa karne kaa mauqaA deejiye.

Aapka Mukhlis,
Nazir.

Post by **Hashmat Usmani** » Wed Jul 06, 2005 4:37 am

moHtaram janaab-e-PK Swamii saaHib,

aadaab o tasleemaat,

aapkii tashreef_aavorii is meHfil meN hamaare liye sad masarrat hai...ham aapkaa teh-e-dil se istiqbaal karte haiN...Khush_aamded!

aap se ham bahot kuchh seekhne ke taalib haiN aur aapkii nigaarishaat ka hameN shiddat se intezaar rahegaa...shukria. ham aapke aabhaarii haiN.

Hashmat

Post by **waqar_masood** » Wed Jul 06, 2005 10:52 am

Assalam o alaikum

aap ko urdu bandhan mein bay had khush amdeed.

waqar masood

Post by **PK Swami** » Tue Jul 12, 2005 2:00 pm

Respected Nazir saheb, Hasmat saheb,Sara saahiba aur Waqar Saheb,

aaj daf.atan iss fourm par nazar paRee. aap sab ke welcome notes paRh kar dil bahut khush huaa. Saraji ke khairmaqam kee rang aamezish
baHar kee sair kaa luft detee hai.

maiN aap sabhee kaa mamnoon hooN.

meri koshish hogee k imkaan kee had tak aap sabhee kee adabee zoq kee taskeen kaa samaan pesh kar sakooN !

niyaazmand
PK Swami