Harf-e-"HE" [Halve waalii HE] se ash'aar likhiiye.

Post by **Hashmat Usmani** » Sun Jul 24, 2005 5:11 am

salaam dosto,

Harf-e-"HE" [Halve waalii HE] se ash'aar likhiiye...shukria.
pahla she'r hai:

Haadise kia kia tumhaarii be_ruKhii se ho gaye
saarii duniyaa ke liye ham ajnabii se ho gaye

SaaGhar Nizaamii

RAUSHNEE · Post by **RAUSHNEE** » Sun Jul 24, 2005 1:59 pm

hawadas say uljh ker muskurana meri fitrat hai
nakamiyon pe ashk bahana mujhe nahi ata

mein jhoot bool rahi hon

Abdullah Nazir · Post by **Abdullah Nazir** » Sun Jul 24, 2005 3:16 pm

Hijaab meiN bhii wo rekhakr nah chup sakaa mujh se

Junoon-e-shauq ne dii thii mujhe nazar aisi

Nazir.

Post by **Hashmat Usmani** » Tue Jul 26, 2005 2:47 am

Haal uskaa tere chehre pe likhaa lagtaa hai
vo chup_chaap khaRaa hai, teraa kia lagtaa hai

Shahzaad AHmad

Post by **Hashmat Usmani** » Tue Jul 26, 2005 3:23 am

Haal-e-dil maiN ne jo duniyaa ko sunaanaa chaahaa
mujh ko har shaKhs ne dil apnaa dikhaanaa chaahaa

Karraar Noorii

Post by **PK Swami** » Tue Jul 26, 2005 4:35 pm

Husn se baRh kar koi sabr aazmaa hotaa naheeN
vaada.e fardaa qayaamat tak vafaa hotaa naheeN

zarra kaHlayegaa zarra, laakh chamke misle meHr
but rahegaa but, parastish se khudaa hotaa naheeN

PK Swami

Post by **Hashmat Usmani** » Wed Jul 27, 2005 1:57 am

HairaaN! huuN dil ko rouuN k piituuN jigar ko maiN
maqduur ho to saath rakhuuN nauHa_gar ko maiN

Mirza Asadullah KhaaN "Ghaalib"

Post by **Hashmat Usmani** » Wed Jul 27, 2005 5:51 am

Hairat se tak rahaa hai jahaan-e-vafaa mujhe
tum ne banaa diyaa hai moHabbat meN kia mujhe

SaaGhar Nizaamii

Post by **Hashmat Usmani** » Thu Jul 28, 2005 6:31 pm

Haq vafaa kaa jo ham jataane lage
aap kuchh kah ke muskuraane lage

Altaaf Husain "Haalii"

Abdullah Nazir · Post by **Abdullah Nazir** » Fri Jul 29, 2005 4:23 am

Hareef-e-ishq rahi bekali zamane kii

MaiN tum se kaih nah sakaa dil kii baat bhii kulkar.

Nazir.

Post by **Hashmat Usmani** » Fri Jul 29, 2005 6:03 am

Hasrat hai tujhe saamne baiThe kabhii dekhuuN
maiN tujh se muKhaatib huuN, teraa Haal bhii puuchhuuN

Kishwar Naaheed

Post by **Hashmat Usmani** » Sun Jul 31, 2005 5:58 am

Husn-e-be_parvaah ko Khud_biin_o_Khud_aaraa kar diyaa
kia kiyaa maiN ne k izhaar-e-tamannaa kar diyaa

Hasrat Moohaanii

Abdullah Nazir · Post by **Abdullah Nazir** » Mon Aug 01, 2005 4:05 pm

Hasrat-e-vaSl meiN jab raat guzar jaati hei

bewafaa teri sharaarat mujhe yaad aati hei.

Nazir.

Post by **zmufti** » Wed Aug 03, 2005 8:21 pm

hasad se dil agar afsurda hai garm-e-tamasha ho
keh chashm-e-tang shayad kacrat-e-nazara se wa ho

Post by **zmufti** » Fri Aug 05, 2005 8:16 am

hayat shola mizaj-o-ghayur-o-shor angaiz
sarisht is ki hai mushkil kashi jafa talabi

Harf-e-"HE" [Halve waalii HE] se ash'aar likhiiye.

Harf-e-"HE" [Halve waalii HE] se ash'aar likhiiye.

"Hai"

"Hai"

"Hai" se