• Hazrat-e-insaan----->'allaamah Iqbaal kii nazm

Posted: **Fri Jan 07, 2005 2:02 am**

salaam dosto,

Iqbaal ka kalaam "hazrat-e-insaan" pesh kar riya huN. mulaahezah farmaaiye:

jahaaN meN daanish~o~beenash ki hai kis darja arzaani
koi shai chup nahiN sakti ki yeh aalam hai nooraani

koi dekhe to hai baareek fitrat ka hijaab itna
numaayaaN hai farishtoN ke tabassum~haa-e-pinhaani

yeh dunya daavat-e-deedaar hai farzand-e-aadam ko
ki har mastoor ko baKhsha gaya hai zauq-e-uryaani

yehi farzand-e-aadam hai ki jiske ashk-e-khooni se
kiya hai hazrat-e-yazdaaN ne daryaaoN ko toofaani

falak ko kia khabar yeh khaak~daaN kiska nasheman hai
Gharaz anjum se hai kiske shabistaaN ki nigeh~baani

agar maqsood-e-kul huN maiN to mujh se maa_varaa kia hai?
mire hangaama~haa-e-nau~banoo ki intehaa kia hai?

Posted: **Wed Jan 12, 2005 4:14 am**

Assalam-o-a'laikum,

Hashmat bhai,

aap ka tah-e-dil se mamnoon hoN , k aap ne Allama Iqbaal ka itna u'mdah kalaam paish kiyaa hai :D . taakheer keleye bahut maa'zirat chaahta hoN .
umeed hai k aap aayenda bhi hameN Kalaam-e-iqbaal se mustafeed farmaayeNge. bahut bahut shukriya :D

mokhliS : Zia Baloch