• Aik ghazal sahra ki

Posted: **Tue Sep 13, 2005 9:39 am**

aik ghazal sahra ki radeef ke saath pesh e khidmat hai apni aara se nawaziye
shukria
Mahtab Qadr

khizaN ka hai na baharaoN ka kaam sahra ka
bas aik rut ki baqaaa hai , qiyaam sahraa ka

saraab ban ke barhaat hai tashnagi unkee
musafiroN ko sataata hai daam sahraa ka

suna hai usko mohabbat hai aashiqoN se bahut
ke daastaan e junooN mai hai naam sahraa ka

nashe mai donoN barabar haiN,chekh ke dekh zara
hazaar e mausam e gul , aik jaam sahraa ka

sunaiN jo naghma bagoole idhar udhar nacheiN
hava ki sur mai dhalaa hai kalaam sahraa ka

vo poochte haiN hameiN sabz inqelaab ke baad
suna hai aapne mahtaab naam sahraa ka

Posted: **Wed Sep 14, 2005 7:05 am**

Amjad Sahib
walaikum salaam
Is himmat afzai ka shukria. behad mamnoon hoN.
Mahtab QadrMahtab sahib

salaam arz hai

vaah janaab, mashallah bahot umda ghazal kahii aap ne

daad Haazir hai, qubool farmaaiye

amjad

Posted: **Wed Sep 14, 2005 9:31 am**

shukria Amjad sahib

Amjad Sahib
walaikum salaam
Is himmat afzai ka shukria. behad mamnoon hoN.
Mahtab Qadr

Posted: **Wed Sep 14, 2005 10:46 am**

moHtarami Sarfaraaz bhai aadaab,

ta`Kheer keleye ma;zirat k net maiN problem hai aur maiN bhi kuchh busy hoN ! Ghazal munfarid aur kaamiyaab kaavish hai zameen bohut dilkash hai ! daad qabool kejeye shukriya

moKhliS :

Zia Baloch

Posted: **Wed Sep 14, 2005 11:04 am**

Bradar e Azeez Zia sahib
Behad mamnoon hoN ke aapne daad se nawaaza , aajkal mujhe khud hi fursat nahi hoti ke dosroN ke kalaam par bhi kuch likh sakoN islye lagta hai ahbaab bura mante haiN. magar majboorioN ko kya kia jaaye. aapka mamnoon hoN ke inhi majboorioN ke wajood aapne waqt nikaala.
shukria
Mahtab Qadr

Aik ghazal sahra ki

Aik ghazal sahra ki

shukria Amjad sahib

Jazak Allah khair

zia sahib