maiN raastoN ka ghubaar hoN yaa HasratoN kaa mazaar hoN
teray paaoN ki maiN dhool hoN daaman meiN atkaa khaar hoN
yaa ikk sitaraah hoN tooT'taayaa zindagi ki maiN haar hoN
mujhe bhool jaa! mujhe bhool jaa!
dil-e-sokhtaah ki maiN aaH hoN yaa aik subh-e-siyaah hoN
jo palatt ga'ee woh nigaah hoN bhatki huee ikk raah hoN
hoN be- nishaaN manzil koee lab-e-merg aakheri chaah hoN
mujhe bhool jaa mujhay bhool jaa
ay meray Habib-e-mo'Ataber tujhe kayaa pataa tujhe kayaa khaber
tuu aziz hai mujhe esqder rehay dhoondati tujh ko nazar
per hamaray dermiyaaN jo pehaaR haiN woh nah hoNge ser
yehi raat din meri fikr hai yehi raat din rahay mujh ko Der
rah-e-ishq meiN haiN woh khatar jinheiN seh sako gay nah tum magar
esi waaste Ay Aziz-e-jaaN yehi keh reha hoN main ser bah ser
mujhe bhool jaa mujhe bhool jaa
kisee aankh say jo gir gayaa kisee nazar se jo uter gayaa
kisee dil say jo keh bisar gayaa kisee zehn maiN jo bikhar gayaa
woh yaqeeN jo jaanay kidhar gayaa keh jo khwaab maiN thaa ThiThar gayaa
maiN hoN woh lamHaa-e-baazgasht jo chhin gayaa woh qaraar hoN
mujhay bhool jaa mujhay bhool jaa
