salaamun alaikum
dosto,

arz kiya hai


"ek din zamee.n pe"


ek din zamee.n pe khuld se phenka gaya hame.n
auqaat apni kya hai bataya gaya hame.n

jo kuch bhi chahte the woh milta tha muft mei.n
anmol ne^amato.n se hataaya gaya hame.n

ek lamhe ki khata ki saza humko yu.n mili
dukh dard ke makaan mei.n bheja gaya hame.n

naadim hua jo dil yeh hamara khata ke baad
rahmat ki baarisho.n se bhigoya gaya hame.n

ammara nafs ke kabhie shaitaa.n rajeem ke
do dushmano.n ke beech mei.n daala gaya hame.n

in dushmano.n se har ghadi ladne ke waaste
panja namaaz padhna sikhaya gaya hame.n

eemaan aur nek amal se baqa mile
paigham yeh khuda ka sunaya gaya hame.n

haamid karoge fikr to miljaayega jawaab
kiswaaste jahaan mei.n bheja gaya hame.n

nateejaye fikr
haamidbaaqri
al hamdulillah

Haamid sahib

aap ki ghazal pasand ayee, accha likhtay hein aap .dua hay keh aur bhi accha likhein.ghazal share kernay ka shukria

wassalam

ehsaas wrote:Haamid sahib

aap ki ghazal pasand ayee, accha likhtay hein aap .dua hay keh aur bhi accha likhein.ghazal share kernay ka shukria

wassalam

mohtaram ehsaas saahib
salaamun alaikum

aapne hamaari ghazal ko pasand kiya,saraaha aur daad bhi dee iskeliye hum aapke behad mamnoono mashkoor hai.n

allah(sbhnwt)aap per apni rehmato.n ki baarish kare.aameen

khair andesh
haamidbaaqri

Salam HAAMID sahab ...

Aik achhy aur sachai se muzayyan ghazal share karnay ka bay-hadd shukriya ...

Khush rahain

Khair Andesh

Raheel Ahmed

rahmed25682 wrote:Salam HAAMID sahab ...

Aik achhy aur sachai se muzayyan ghazal share karnay ka bay-hadd shukriya ...

Khush rahain

Khair Andesh

Raheel Ahmed

salaamun alaikum
mohtaram r ahmed saahib

bahut bahut shukriya duao.n ke liye.

aap bhi hamesha khush rahe.n .jazakallah

talibe dua
haamidbaaqri

WEBMASTER wrote:
MuHtarami
[/u]Haamid Baaqri SaaHib,[/u]

PurkhulooS tasleemaat,

Aapkke apne andaaz meiN likhkhaa houaa yeh kalaam bahut khoob hei.

Meri dili daad aur mubaarakbaad qubool farmaayiye.


Aapka MukhliS,
Nazir.

salaamun alaikum
mohtaram abdullah nazir saahib

bahut bahut shukriya mohtaram.aapki purkhuloos daad hamare liye sanad hai.aapki dilee mubaarakbaad ke bhi hum behad shukrguzaar hai.n.

allah(sbhnwt)aap per apni khaas nazre karam farmaaye aameen.

aapka mukhlis
haamidbaaqri