Page 1 of 1
Lafz par ashaar#25-- Zevar
Posted: Thu Jan 05, 2006 12:11 pm
by Shummu
Salaam waise to is silsile ko SYED BILAL ARMAN sahab aaGe baRhaate the magar kayi din se woh aaye nahi bamz meiN isliye aaj unki jagah main is silsile ko aaGe baRhate hue naya lafz de rahi hoon jo ThoRa haT ke hai..."ZEVER" (jewellery) ..Ummeed hai aap sab baRh chaRh ke is meiN hissa lenge...SHUKRIYA! 
Abdul Hameed Adam ji nay farmayaa hai keh..
muskurahaT hai husn kaa zevar
ruup ba.Dhataa hai muskuraayaa karo
Posted: Sat Jan 07, 2006 9:56 pm
by Shummu
zeest hamsaa'ye se maaNgaa huaa zevar to naheeN
aik dhaRkaa saa lagaa rehtaa hai kho jaane kaa (Mohsin Bhopali)
sevar
Posted: Sun Jan 08, 2006 3:11 am
by Abdullah Nazir
zevar-e-Husn hei kyaa aankh churaanaa tera
looT loonga maiN tujhe aankh to lag jaaye tiri.
Nazir.
Posted: Sun Jan 08, 2006 11:40 am
by Shummu
shaaKho.n se barg-e-gul nahii.n jha.Date hai.n baaG me.n
zevar utaar rahaa hai uruus-e-bahaar kaa
zevar
Posted: Sun Jan 08, 2006 1:13 pm
by Abdullah Nazir
uski nigaah-e-luTf ke zevar ko dekhkar
khud ko sanbhaalnaa bhi ab aasaaN nahiN rahaa
Nazir.
Posted: Sun Jan 08, 2006 3:13 pm
by Shummu
majbooriyoN per Daale haiN parde
meree haNsee hai maaNge kaa zevar
(Andaleeb Shaadaanee)
zevar
Posted: Mon Jan 09, 2006 5:46 am
by Abdullah Nazir
Apni naachaar muHabbat kaa bharam rakhne ko
Kaash ban jaauN maiN khud tere gale kaa zevar.
Naszie.