Lafz par ashaar#25-- Zevar

Post by **Shummu** » Thu Jan 05, 2006 12:11 pm

Salaam waise to is silsile ko SYED BILAL ARMAN sahab aaGe baRhaate the magar kayi din se woh aaye nahi bamz meiN isliye aaj unki jagah main is silsile ko aaGe baRhate hue naya lafz de rahi hoon jo ThoRa haT ke hai..."ZEVER" (jewellery) ..Ummeed hai aap sab baRh chaRh ke is meiN hissa lenge...SHUKRIYA!

Abdul Hameed Adam ji nay farmayaa hai keh..

muskurahaT hai husn kaa zevar
ruup ba.Dhataa hai muskuraayaa karo

Post by **Shummu** » Sat Jan 07, 2006 9:56 pm

zeest hamsaa'ye se maaNgaa huaa zevar to naheeN
aik dhaRkaa saa lagaa rehtaa hai kho jaane kaa (Mohsin Bhopali)

Abdullah Nazir · Post by **Abdullah Nazir** » Sun Jan 08, 2006 3:11 am

zevar-e-Husn hei kyaa aankh churaanaa tera

looT loonga maiN tujhe aankh to lag jaaye tiri.

Nazir.

Post by **Shummu** » Sun Jan 08, 2006 11:40 am

shaaKho.n se barg-e-gul nahii.n jha.Date hai.n baaG me.n
zevar utaar rahaa hai uruus-e-bahaar kaa

Abdullah Nazir · Post by **Abdullah Nazir** » Sun Jan 08, 2006 1:13 pm

uski nigaah-e-luTf ke zevar ko dekhkar

khud ko sanbhaalnaa bhi ab aasaaN nahiN rahaa

Nazir.

Post by **Shummu** » Sun Jan 08, 2006 3:13 pm

majbooriyoN per Daale haiN parde
meree haNsee hai maaNge kaa zevar
(Andaleeb Shaadaanee)

Abdullah Nazir · Post by **Abdullah Nazir** » Mon Jan 09, 2006 5:46 am

Apni naachaar muHabbat kaa bharam rakhne ko

Kaash ban jaauN maiN khud tere gale kaa zevar.

Naszie.

Lafz par ashaar#25-- Zevar

Lafz par ashaar#25-- Zevar

sevar

zevar

zevar