• Tarahee Ghazal...Guzarish # 13 (January 2006)

Posted: **Tue Jan 10, 2006 2:19 pm**

Dosto! Salam

Mujhe lagta tha iss baar maiN ghazal kah nahiN paaooNga. Yeh miSra Hazre Momin ki aisee ghazal ka hai jo unhoN ne apni KhaaS zubaan meN kahi thee. Har kisee ke liye is lahje meN ashAAr kahna mumkin nahiN.

BaharaHaal kuch ToTe-phooTe ashAAr ho gaye hain so bhej raha hooN. Ummid hai apni aara se nawazeNge. Mujhe Khooshi hai riwayat-e qadeem ko barqaraar rakhte howay sub se pahle Urdu Bandhan ke mushaaireh meN HaaZiree lagaa raha hooN.

Aapka MuKhlis
Jawaid Badauni
-----------------------------------------------------------------------------

Ishq tera abr banker mere dil per chhaaye hai
Kya karooN yeh abr bin barse hi akSer jaaye hai

Sare din ki GhaltiyoN per woh bahoot pachtaaye hai
SubH ka bhoola hoowa jab sham ko ghar aaye hai

Dekh lo tareeKh, har SufHa yehee dohraaye hai
Zulm karke ek din zaalim bahoot pachtaaye hai

Ishq ki rasmoN se jo Khood hai abhee naa-aashna
Baarha woh ishq ka matlab mujhe samjhaaye hai

Gham gaya, chaahat gaii, hasrat gaaii, wahshat gaii
“haaye kyaa kahiye keh dil ke saath kya kya jaaye hai

Hazrat-e Nazir! zara aasaan miSery deejiye
Sub ko Momin ki zubaaN meN guftagoo kab aaye hai

Shayad ai “Jawaid” soya hi nahiN ooska zameer
Kaisa mujrim hai Khata karte howey ghabraaye hai
----------------------------------------------------------

Posted: **Tue Jan 10, 2006 7:01 pm**

Jawaid saheb
aap is zameen ko mushkil keh rahe haiN to ham jaisy kaisey keh paayieN ge
aap ki ghazal ke sabhi asha'ar achey haiN
meri janib se daad qabool kijye
regards
zmufti

Posted: **Wed Jan 11, 2006 12:52 pm**

Buhat buhat shukriya Sara bahin,,,aapne khubsurat "image" banaya aur woh bhi mere iltemas ke baghair khood se yeh kaam kiya. Buhat dil khoosh hoa.

MuKhliS
Jawaid

Posted: **Wed Jan 11, 2006 9:33 pm**

edited by Raz

Posted: **Thu Jan 12, 2006 1:41 am**

MuHtarami
Jawaid Badayuni SaaHib,

PurkhulooS tasleemaat,

Aapki aur Sarwar SaaHib kii naSeeHataoN ke liye beHad shukrguzaar hooN.

Aapka MukhliS,
Nazir.

Posted: **Thu Jan 12, 2006 7:53 am**

Message deleted (through Edit)

Jawaid

Tarahee Ghazal...Guzarish # 13 (January 2006)

Tarahee Ghazal...Guzarish # 13 (January 2006)

Re: Tarahee Ghazal...Guzarish # 13 (January 2006)

Azeem tanqeed-nigar Sarwar SaaHib