Taaza ghazal , pilaya nahi kabhi

[Mahtab Qadr]

Dosto aur Buzurgo
salaam
aik taaza ghazal ke sath hazir hoN. umeed ke pazeerai farmaiNge
shukria

apnoN ko sach ka zahr pilaaya nahi kabhi
jo dil ka haal tha vo sunaaya nahi kabhi

nakaamioN pe ashk bahayaa nahi kabhi
mai sar pe khaak daalta aayaa nahi kabhi

jhooti tasallioN ne sahaara diaa magar
taqdeer ke likhay se bachaaya nahi kabhi

maN baap ki duaa ne karishmay dikhae vo
tadbeer ne bhi jo ke dikhaayaa nahi kabhi

chotoN ki bad tameezi pe ye naagawaariaN
kia tum ne dil kisi ka dukhaaya nahi kabhi

be fikrioN ke shaam o sahar yaad mat karo
mahtaab waqt laut ke aayaa nahi kabhi

MahtabQadr

[Mahtab Qadr]

urdu text mai aik typo ho gai hai , aakhri sher ke pahle misre mai yaad mat karo se pahle aik daal ziada type ho gya hai. muazirat

[Abdullah Nazir]

MuHtarami
Mahtab qadr SaaHib,

PurkhulooS tasleemaat,

Aapki ghazal bahut achchi hei. Meri dili daad aur mubaarakbad qubool farmaayiye.

MULAAHIZAAT:

apnoN ko sach ka zahr pilaaya nahi kabhi
jo dil ka haal tha vo sunaaya nahi kabhi

nakaamioN pe ashk bahayaa nahi kabhi
mai sar pe khaak daalta aayaa nahi kabhi

jhooti tasallioN ne sahaara diaa magar
taqdeer ke likhay se bachaaya nahi kabhi

maN baap ki duaa ne karishmay dikhae vo
tadbeer ne bhi jo ke dikhaayaa nahi kabhi

chotoN ki bad tameezi pe ye naagawaariaN
kia tum ne dil kisi ka dukhaaya nahi kabhi

be fikrioN ke shaam o sahar yaad mat karo
mahtaab waqt laut ke aayaa nahi kabhi

Ghazal ke saare ashAar achche heiN siwaaye paanchweN sheAr ke jo yooN hei:

maN baap ki duaa ne karishmay dikhae vo
tadbeer ne bhi jo ke dikhaayaa nahi kabhi

Meri nazar meiN pahle miSreA ko yooN hounaa chaahiye:

(maaN baap ki duAa ne karishmah dikhaayaa wo)

Kiyunke doosre misreA meiN kahaa jaarahaa hei "tadbeer ne bhi jo keh dikhaayaa nahiN kabhi.


Aapka MukhliS,
Nazir.

[sbashwar]

Janaab Mahtab Qadr Sahib
ASAK
Vah Vah, ghazal bohat pasand ayee. Dili mubarakbad khubool kijiye.
Salem Bashwar

[Star Mind]

moHtaram Qadr SaaHib, aadaab

kaise haiN aap?

maashaa Allah janaab Ghazal to bohut pyaaree hai , zameen bhi pasand aayee ! mazaameen aur andaaz bhi Khoob haiN . mujhe KhaaS tor se maqta bohut pasand aayaa ! KhuSooSi daad Haazir hai ! shukriya

Zia Baloch

[jawaid badauni]

Dosto aur Buzurgo
salaam
aik taaza ghazal ke sath hazir hoN. umeed ke pazeerai farmaiNge
shukria

apnoN ko sach ka zahr pilaaya nahi kabhi
jo dil ka haal tha vo sunaaya nahi kabhi

nakaamioN pe ashk bahayaa nahi kabhi
mai sar pe khaak daalta aayaa nahi kabhi

jhooti tasallioN ne sahaara diaa magar
taqdeer ke likhay se bachaaya nahi kabhi

maN baap ki duaa ne karishmay dikhae vo
tadbeer ne bhi jo ke dikhaayaa nahi kabhi

chotoN ki bad tameezi pe ye naagawaariaN
kia tum ne dil kisi ka dukhaaya nahi kabhi

be fikrioN ke shaam o sahar yaad mat karo
mahtaab waqt laut ke aayaa nahi kabhi

MahtabQadr

Azeezi Mahtab Qadr SaHab,

Tasleemaat,

Bohat din bAAd aapki ek achchee Ghazal dekhne ko mili jis se aapki Khairiyat bhi mil gaii. Tamam ashAAr bohat achche haiN; meri daad qubool farmaaiye.

MukHliS

Jawaid Badauni
Muscat - Oman

[zmufti]

Mahatab Qadar saheb
aap ki ghazal buhat pasand aayii
meri janib se daad qabool kijye
regards
zmufti

[Mahtab Qadr]

Mohatramee Abdullah Bhai
Salaam e masnoon
Aapki giraNqadr raye aur hausla afzaai ke lye behad mashkoor hoN. aur aapke bataye huve misre mai tabdeeli bayaz mai karchuka yahaN par aik do din mai kardoNga. inshallah
shukria
Mahtab Qadr

[Mahtab Qadr]

Mukarramee Salem Bashwar sahib
Izzat nawazi ka shukria. inshallah mulaqat par guftagu hogi
shukria
Mahtab Qadr

[Shummu]

Dosto aur Buzurgo
salaam
aik taaza ghazal ke sath hazir hoN. umeed ke pazeerai farmaiNge
shukria

apnoN ko sach ka zahr pilaaya nahi kabhi
jo dil ka haal tha vo sunaaya nahi kabhi

nakaamioN pe ashk bahayaa nahi kabhi
mai sar pe khaak daalta aayaa nahi kabhi

jhooti tasallioN ne sahaara diaa magar
taqdeer ke likhay se bachaaya nahi kabhi

maN baap ki duaa ne karishmay dikhae vo
tadbeer ne bhi jo ke dikhaayaa nahi kabhi

chotoN ki bad tameezi pe ye naagawaariaN
kia tum ne dil kisi ka dukhaaya nahi kabhi

be fikrioN ke shaam o sahar yaad mat karo
mahtaab waqt laut ke aayaa nahi kabhi

MahtabQadr

wah bahut khoob...!!!

[Mahtab Qadr]

Baradar e Azeez Zia sahib aur Mukarramee Jawaid Badayuni sahib. Aadaab o Tasleemat
apni kuch majboorioN ke bayes , ziada waqt nahi de paraha hoN islye jwab bhi mukhtasir hi arz karoNga ke aapki inayatoN aur pasandeedgi ka behad shukria. chalo ghazal ko mayaari hone ki sanad to mil hi gai aap jasie sukhanwaroN ki daado tahseen se
shukria
Mahtab Qadr

[Mahtab Qadr]

Zarqa Mufti sahiba , Shummu sahiba aur saraa ji Aaadab o Tasleemat
Aapki hausla afzai aur sarfarazi ne bahut himmat barhai. nawazish shukria
Mahtab Qadr