Tarahee Gazal (Mushaairah # 16)

Tarhi Moshaairah -ShoAaraa aur Shayeraat kii TabAaazmayi ke liye

Moderator: Muzaffar Ahmad Muzaffar

Post Reply
jawaid badauni
-
-
Posts: 810
Joined: Sat Jan 01, 2005 5:38 am
Contact:
Contact jawaid badauni

Tarahee Gazal (Mushaairah # 16)

Post by jawaid badauni »

Aap ghar aayeN mire yeh miree taqdeer nahiN
Mera yeh Khuwaab bhi sharminda-e tAAbeer nahiN


Hum ne dekhe haiN zamane meN kuch aise bhi aseer
PaaooN meN jinke bazaahir koii zanjeer nahiN


Jane kyooN phir bhee bhaTak jaate haiN rahrau akSer
Raah oos zulf kee maaniNd grahgeer nahiN


Bus qalam leke chala aaya sar.e maqtal maiN
Haath meN teer nahiN neza.o shamsheer nahiN


Ishq waloN ka nah badla hai nah badlega naSeeb
Kisee “Ranjha” ke muqaddar meN koii “Heer” nahiN


BaAd.e “Ghalib” koii “Ghaalib” nah hoa duniya meN
“Meer” ke bAAd zamaney meN koii “Meer” nahiN


Apne haathoN peh bharosa hai zaroori :Jawaid:
Kisee tadbeer se baRhkar koii taqdeer nahiN
Top
User avatar
Abdullah Nazir
-
-
Posts: 2681
Joined: Sat Dec 11, 2004 4:16 am
Location: Jeddah
Contact:
Contact Abdullah Nazir

Bahut khoob, waah waah

Post by Abdullah Nazir »


MuHtarami o Azeezi
Jawaid Badauni SaaHib,

PurkhulooS Tasleemaat,

Hameshah ki TaraH aapki ghazal bahut hi dilkash hei jiske saare ashAar bahut achche heiN. Is kaamyaab takhleeq per meri dili daad aur mubaarakbaad qubool farmaayiye.

MULAAHIZAAT
Aap ghar aayeN mire yeh miree taqdeer nahiN
Mera yeh Khuwaab bhi sharminda-e tAAbeer nahiN
achchaa maTlaA hei. Bahut khoob, waah waah.

Hum ne dekhe haiN zamane meN kuch aise bhi aseer
PaaooN meN jinke bazaahir koii zanjeer nahiN
Waah waah kyaa kehne, bahut khoob.

Jane kyooN phir bhee bhaTak jaate haiN rahrau akSer
Raah oos zulf kee maaniNd grahgeer nahiN
Waah waah bahut khoob.

Bus qalam leke chala aaya sar.e maqtal maiN
Haath meN teer nahiN neza.o shamsheer nahiN
Bahut khoob, waah waah, sab se Taaqatwar qalam hi tou houtaa hei.

Ishq waloN ka nah badla hai nah badlega naSeeb
Kisee “Ranjha” ke muqaddar meN koii “Heer” nahiN
Waah, yeh bhi aek Haqeeqat hei.

BaAd.e “Ghalib” koii “Ghaalib” nah hoa duniya meN
“Meer” ke bAAd zamaney meN koii “Meer” nahiN

Bahut achche andaaz se kahaa hei aap ne. waah waah.

Apne haathoN peh bharosa hai zaroori :Jawaid:
Kisee tadbeer se baRhkar koii taqdeer nahiN
"iAqal fa-tavakkal" ke baab meiN bahut achcha maqTaA hei.

Aapka MukhliS,
Nazir,
Image
Top
jawaid badauni
-
-
Posts: 810
Joined: Sat Jan 01, 2005 5:38 am
Contact:
Contact jawaid badauni

Post by jawaid badauni »

Mohtarmee Abdullah Nazir Sahab,
Aadaab

Aapke graNqadr tabsarey ke liye aap ka behud mamnoon hooN. Aapki daad mere liye sanad ka darjah rakhtee hai. Ummid hai aaindah bhi mere kalam per tawajjo farmayeNge aur meree himmat afzaaii farmate raheNge.

Aapka MuKhliS
Jawaid Badauni
Top
User avatar
haamidbaaqri
-
-
Posts: 567
Joined: Tue Oct 11, 2005 10:50 am
Location: bangalore, india 00-91-9341253797
Contact:
Contact haamidbaaqri

Re: Tarahee Gazal (Mushaairah # 16)

Post by haamidbaaqri »

jawaid badauni wrote:Aap ghar aayeN mire yeh miree taqdeer nahiN
Mera yeh Khuwaab bhi sharminda-e tAAbeer nahiN


Hum ne dekhe haiN zamane meN kuch aise bhi aseer
PaaooN meN jinke bazaahir koii zanjeer nahiN


Jane kyooN phir bhee bhaTak jaate haiN rahrau akSer
Raah oos zulf kee maaniNd grahgeer nahiN


Bus qalam leke chala aaya sar.e maqtal maiN
Haath meN teer nahiN neza.o shamsheer nahiN


Ishq waloN ka nah badla hai nah badlega naSeeb
Kisee “Ranjha” ke muqaddar meN koii “Heer” nahiN


BaAd.e “Ghalib” koii “Ghaalib” nah hoa duniya meN
“Meer” ke bAAd zamaney meN koii “Meer” nahiN


Apne haathoN peh bharosa hai zaroori :Jawaid:
Kisee tadbeer se baRhkar koii taqdeer nahiN
baradare azeez jawaid saahib
salaamun alaikum

behtareen ghazal hai hamesha ki tarah.

har sher lajawaab hai.

hamaari dilee daad qubool farmaaye.n.

allah(sbhnwt)kare zore qalam aur ziyaadah

aapka apna
haamidbaaqri
mai.n to karta nahi.n kuch aur ebaadat ke siwa
paas mere nahi.n kuch aur mohabbat ke siwa
Top
jawaid badauni
-
-
Posts: 810
Joined: Sat Jan 01, 2005 5:38 am
Contact:
Contact jawaid badauni

Post by jawaid badauni »

Azeezi Haamid Baaqri SaHib
Aapki purKhuloos daad ke liye aap ka bahud mamnoon hooN. Allah aap ko Khoosh rakhkhe.

MuKhlis
Jawaid
Top
Muzaffar Ahmad Muzaffar
-
-
Posts: 1258
Joined: Sun Feb 12, 2006 1:40 pm
Location: London, England
Contact:
Contact Muzaffar Ahmad Muzaffar

mashAllah

Post by Muzaffar Ahmad Muzaffar »

moHtarm janab Jawaid badauni SaHeb
aadaab!

Guzarish 16 ke teHet kahee gaee aap kee tazah Ghazal dekhee paRh kar
dil baRa meHz^ooz^ howa. aese silsilooN ka aek fae'dah yeh bhee hai.
keh mukhtalif kheyal kee GhazlooN se dil behlaya ja sakta hai.
GhazooN ko dekh kar yaqeenee t^aor par dil qaraar pa jata hai.
dosree t^araf asatzah kee Ghazliyat bhee samne aatee rehtee haiN. ya'nee unhee ke kalam meN se t^areHee miSre liye jate haiN yooN asaatzah ke kalaam kee
a'zmat aor nifasat ka bhee andazah hota rehta hai. pas maiN to yeh kahooN ga keh aese silsilooN ya'nee site ke mushae'rooN meN Z^aroor shirkat karnee chahiye.


aap ke kahee hoee Ghazal baRee umdah aor dil fareeb hai.
khuch rujhaan taraqqee pasandee kee t^araf bhee ho geya hai. :-) pasand aaya. meree janib se dilee dad Hazir hai.

aor sath hee mubaraq bad bhee.

ijazat deeN.
muz^affar
Last edited by Muzaffar Ahmad Muzaffar on Sat Apr 15, 2006 10:00 am, edited 1 time in total.
Top
jawaid badauni
-
-
Posts: 810
Joined: Sat Jan 01, 2005 5:38 am
Contact:
Contact jawaid badauni

Post by jawaid badauni »

Bohat bohat shukriya Muzaffar SaHib. Mujhe Khooshee hai is bahaney itne din bAAd aap se mulaqaat to ho gaii.

Apka MuKhlis
Jawaid
Top
User avatar
Mahtab Qadr
-
-
Posts: 559
Joined: Sun Dec 12, 2004 7:36 am
Location: Jeddah Saudi Arabia
Contact:
Contact Mahtab Qadr

Post by Mahtab Qadr »

Jawaid Badayuni sahib
Aadaab o Tasleemat
Aapki Ghazal ka har sher pasand aaya. kafi din baad aapka kalam parhne ki saadat hasil huvi, jiska sabab apni hi kotahi hai.
shukria
MQ
Top
Post Reply

Return to “Moshaairah”