Kya Ghazal "Jawaid" ki achchee nahiN? (Guz 19)

Tarhi Moshaairah -ShoAaraa aur Shayeraat kii TabAaazmayi ke liye

Moderator: Muzaffar Ahmad Muzaffar

Post Reply
jawaid badauni
-
-
Posts: 810
Joined: Sat Jan 01, 2005 5:38 am
Contact:
Contact jawaid badauni

Kya Ghazal "Jawaid" ki achchee nahiN? (Guz 19)

Post by jawaid badauni »



Cheez bus shaayad yehee achchee nahiN
aaj fikr.e aadmee achchee nahiN

Shaeikh! gar badakashee achchee nahiN
tou mai’e irfaan bhi achchee nahiN

sone chaandee meN nah tolo mera pyaar
ishq meN saudagaree achchee nahiN

YooN nah pal men hosh duniya ke uRaao
dekho yeh jadoogaree achchee nahiN

mere ghar ki teergee se usko bair
ChaNd teree chaandnee achchee nahiN

jo bhi kahna hai saleeqe se kaho
besuroN ki baansuree achchee nahiN

Zahn ki pabundeeyaaN lazim magar
“apne dil se dushmanee achchee nahiN”

kuch to rakhiye ishq ke Gham ka bharam
bazm meN afsoordgee achchee nahiN

sunke kyooN ashaar haiN Khaamosh aap
kya Ghazal “Jawaid” kee achchee nahiN


Jawaid Badauni
Muscat-Oman
Last edited by jawaid badauni on Tue Jul 04, 2006 12:55 pm, edited 1 time in total.
Top
User avatar
Abdullah Nazir
-
-
Posts: 2681
Joined: Sat Dec 11, 2004 4:16 am
Location: Jeddah
Contact:
Contact Abdullah Nazir

Bahut khoob, waah waah

Post by Abdullah Nazir »


MuHtarami
Jawaid Badauni SaaHib,

PurkhulooS Tasleemaat,

Aapki TaraHi ghazal bahut pasand aayi jiske liye meri dili daad aur mubaarakbaad qubool farmaayiye.

MULAAHIZAAT:

Cheez bus shaayad yehee achchee nahiN
aaj fikr.e aadmee achchee nahiN

Bahut achchaa MaTlaA hei, waah waah.

Shaeikh! gar badakashee achchee nahiN
tou mai’e irfaan bhi achchee nahiN

Husn-e-MaTlaA achcha hei, waah waah.

sone chaandee meN nah tolo mera pyaar
ishq meN saudagaree achchee nahiN

Bahut khoob, waah waah, khaaSkar Hindustani laRkiyaoN kee Himaayat meiN.

YooN nah pal men hosh duniya ke uRaao
dekho yeh jadoogaree achchee nahiN

Khoob taghazzul hei. Bahut achchaa mood hei. Waah waah.

mere ghar ki teergee se usko bair
ChaNd teree chaandnee achchee nahiN

Waah waah, bahut khoob.

jo bhi kahna hai saleeqe se kaho
besuroN ki baansuree achchee nahiN

Waah waah, kyaa kehne.

Zehn ki pabundeeyaaN lazim magar
“apne dil se dushmanee achchee nahiN”

Bahut khoob, waah waah.

kuch to rakhiye ishq ke Gham ka bharam
bazm meN afoordgee achchee nahiN

Ghaliban doosre miSreA meiN typo ki vajh se afsurdagi kee ghalaT TibaaAat hougayi hei.
SheAr bahut achchaa hei, waah waah.

sunke kyooN ashaar haiN Khaamosh aap
kya Ghazal “Jawaid” kee achchee nahiN

Ghazal tou bahut achchi hei lekin is baar yooN maAloom houtaa hei ke aap India se waapusi meiN apne saath taghazzul lekar aaye heiN. Bahut khoob, waah waah.


Aapka MukhliS,
Nazir.
Image
Top
jawaid badauni
-
-
Posts: 810
Joined: Sat Jan 01, 2005 5:38 am
Contact:
Contact jawaid badauni

Post by jawaid badauni »



Mohtarmee wa maKhdoomee Nazir SaHib, aadaab

Himmat afzaai ka bohat bohat shukriya. "Typo" ki Ghalti thik kar lee hai.

Waise mujhe choTee zameen meN sher kahne ka bohat shauq tha magar kabhi kabhi aisee zameenoN meN baat Caaf nahiN ho paati hai. MaiN samjha tha is baar Ghazal nahiN ho sakegee aur aap se shamindagee hogee. Bus qalam ne saath diya aur kuch nah kuch ho hi gaya.

Aapki wa deegar membraan ki GhazaloN ka intezaar hai.

Ahqar
Jawaid
(Muscat)
Top
User avatar
haamidbaaqri
-
-
Posts: 567
Joined: Tue Oct 11, 2005 10:50 am
Location: bangalore, india 00-91-9341253797
Contact:
Contact haamidbaaqri

bahut khoob

Post by haamidbaaqri »

salaamun alaikum
mere azeez bhai jawaid saahib

bahut hi acchee ghazal hai

hame.n bahut pasand aayee

aapki ghazal acchee nah ho yeh kabhie ho sakta hai?

hamaari dilee daad aur mubaarakbaad qubool farmaye.n

aapka apna
haamidbaaqri
mai.n to karta nahi.n kuch aur ebaadat ke siwa
paas mere nahi.n kuch aur mohabbat ke siwa
Top
jawaid badauni
-
-
Posts: 810
Joined: Sat Jan 01, 2005 5:38 am
Contact:
Contact jawaid badauni

Re: bahut khoob

Post by jawaid badauni »

haamidbaaqri wrote:salaamun alaikum
mere azeez bhai jawaid saahib

bahut hi acchee ghazal hai

hame.n bahut pasand aayee

aapki ghazal acchee nah ho yeh kabhie ho sakta hai?

hamaari dilee daad aur mubaarakbaad qubool farmaye.n

aapka apna
haamidbaaqri
MoHibbee Haamidbaaqree SaHinb
Aadaab

Bohat bohat shukriya. Aap ki puKhuloos daad meri himmat afzaaii ka baayiS banee.

Ummid hai aap ke mizaaj baKhair hoNge.

MuKhliS
Jawaid
Top
jawaid badauni
-
-
Posts: 810
Joined: Sat Jan 01, 2005 5:38 am
Contact:
Contact jawaid badauni

Re: Kya Ghazal "Jawaid" ki achchee nahiN? (Guz 19)

Post by jawaid badauni »

sara_j wrote:
jawaid badauni wrote:

Cheez bus shaayad yehee achchee nahiN
aaj fikr.e aadmee achchee nahiN

bohat khoob!

Shaeikh! gar badakashee achchee nahiN
tou mai’e irfaan bhi achchee nahiN

sone chaandee meN nah tolo mera pyaar
ishq meN saudagaree achchee nahiN

:-) bohat khoob!!

YooN nah pal men hosh duniya ke uRaao
dekho yeh jadoogaree achchee nahiN

:-) yeH bhi khoob!

mere ghar ki teergee se usko bair
ChaNd teree chaandnee achchee nahiN

:-) bohat ache!

jo bhi kahna hai saleeqe se kaho
besuroN ki baansuree achchee nahiN

:-) bohat khoob!

Zahn ki pabundeeyaaN lazim magar
“apne dil se dushmanee achchee nahiN”

wah wah! girah bohat pasand aayi.

kuch to rakhiye ishq ke Gham ka bharam
bazm meN afsoordgee achchee nahiN

bohat umda shair hei!

sunke kyooN ashaar haiN Khaamosh aap
kya Ghazal “Jawaid” kee achchee nahiN

hahaaaahaa...........ab hum kya kahein aap hi samajh jaiye !!


Jawaid Badauni
Muscat-Oman
:grin: Jawaid bhai,

adaab arz hei.

maqte ne tou loot liya.......

is khoobsurat ghazal per daad aur mubarakbaad qubool keejiye.

sara


Shukriya Sara SaHibah

Isee ko kahte haiN "der aayad durust aayad."

Jawaid
Top
Post Reply

Return to “Moshaairah”