salaamun alaikum
dosto

aapki khidmate 'aaliya mei.n aik aur nazm pesh kar rahe hai.n.

jiska unwaan hai "urdu"

arz kiya hai......


bolo urdu sa zamaane mei.n adab hai koyee
is zaubaa.n per jo hua aisa ghazab hai koyee

hind ki beti hai jalna hai muqaddar iska
is hasee.n urdu ka pursaa.n nahi.n ab hai koyee

urdu daano.n mei.n kayee log yahaa.n aisay hai.n
jinko bahboodiye urdu se nah matlab hai koyee

saaya.ye gaysooye urdu mei.n palee.n tahzeebe.n
"teri zulfo.n ke bikharnay ka sabab hai koyee"


nateejaye fikr
haamidbaaqri
al hamdulillah

Aapki muKhtaSar Nazm bohat achchee lagee. Koii to ha jisne is shikasta Haal, paa barahna, budnaSeeb zubaan per kuch kaha. Meri janib daad qubool kijiyega.

Aapka MuKhliS
Jawaid

jawaid badauni wrote:Aapki muKhtaSar Nazm bohat achchee lagee. Koii to ha jisne is shikasta Haal, paa barahna, budnaSeeb zubaan per kuch kaha. Meri janib daad qubool kijiyega.

Aapka MuKhliS
Jawaid

salaamun alaikum
mere azeez bhai jawaid saahib

aapki hausalah afzaayee aur purkhuloos daad ke hum behad shukrguzaar hai.n.

jawaab mei.n taakheer keliye muaafi chaahte hai.n.

jazakallah
aapka apna
haamidbaaqri