TAKEER SE AAMAD KE LIYE MAZRAT KHUAN HOON

[Ehsan Raza]

DEIR SE AAMAD KI TALAFI KI SOORAT MEN GHAZAL HAZIR HAI AGAR PASAND AA JAYE TOAPNEE MOHABBAT SE NAWAAZ DEEJIYEGA

AB JEENA AASAN NAHIN HAI
CHEHRON PE MUSKAAN NAHIN HAI

HER LAHJE PE DHOOP SAJI HAI
BARISH KA IMKAAN NAHIN HAI

HER SO HAIN BAROOD KI FASLEN
AB KHETON MEN DHAAN NAHIN HAI

KOI MIRE DIL MEN HAI RAHTA
MERA GHAR VEERAN NAHIN HAI

MAOT KE SAUDAGER SE KAHDO
YEH DHARTEE SHAMSAAN NAHIN HAI

MERA DIL HAI PIYAAR KA MANDIR
PHOOLON KA GULDAN NAHIN HAI

TAN PE HAI INSAAF KI CHADER
YEH KHADI KA THAAN NAHIN HAI

IS MITTEE MEN KHOON HAI MERA
TERA HINDUSTAN NAHI HAI

MANSAB POOJNE WALON PE AB
SAB KUCH HAI IMAAN NAHIN HAI

JAZBA -E- ULFAT AAM NA KARDOON
NAAM MERA ''EHSAN ''NAHIN HAI

[jawaid badauni]

DEIR SE AAMAD KI TALAFI KI SOORAT MEN GHAZAL HAZIR HAI AGAR PASAND AA JAYE TOAPNEE MOHABBAT SE NAWAAZ DEEJIYEGA

AB JEENA AASAN NAHIN HAI
CHEHRON PE MUSKAAN NAHIN HAI

HER LAHJE PE DHOOP SAJI HAI
BARISH KA IMKAAN NAHIN HAI

HER SO HAIN BAROOD KI FASLEN
AB KHETON MEN DHAAN NAHIN HAI

KOI MIRE DIL MEN HAI RAHTA
MERA GHAR VEERAN NAHIN HAI

MAOT KE SAUDAGER SE KAHDO
YEH DHARTEE SHAMSAAN NAHIN HAI

MERA DIL HAI PIYAAR KA MANDIR
PHOOLON KA GULDAN NAHIN HAI

TAN PE HAI INSAAF KI CHADER
YEH KHADI KA THAAN NAHIN HAI

IS MITTEE MEN KHOON HAI MERA
TERA HINDUSTAN NAHI HAI

MANSAB POOJNE WALON PE AB
SAB KUCH HAI IMAAN NAHIN HAI

JAZBA -E- ULFAT AAM NA KARDOON
NAAM MERA ''EHSAN ''NAHIN HAI

Azeezi Ehsaan SaHab
Salam aur doa

Ek arcey bAAd aapki nihayat umdah Gazal nazar nawaaz huwwi. Dil Khoosh huwwa. "Allah kare zor.e qalam aur ziyadah."

Hamari maHafil meN riwaaj hai keh GazloN per apne mashwarey ya tabsarey pesh kiye jate haiN. Ab maan na ya unheN nazar andaaz karna shayar ki apni marZee per munhasir hai. Is ziman meN yeh arz karooNga keh doosra sher jo matAla nahiN hai ooskey miSraa.e awwal ko "HAI" lafz per Khatm karna achcha nahiN lagta kyuuN.k yeh aap ki radeef bhee hai. Agar matla' hota tou baat deegar thee. MaiN ne ek baar aisa kiya tha jab aap ke birather.e mukarram Salman Bhai marHoom ne jo mere liye ek ustaad ka darja rakhte they meri nishaandihee ki thee aur maiN ne unka behud shukriya adaaa kiya tha. Allah unheN apne jawaar.e rahmat meN jagah de,unki yaad aate hi dil afsoordah ho jata hai aur aisa kabhi nahiN huwwa unka naam liya ho aur meri aaNkh num nah ho gaii ho.

Ek deegar nukta yeh bhi hai keh chauthey sheir ka pahla miSra bohat kamZor hai. "Hai rahta" boora lagta hai "fragment of words:" ka masAla hai. Agar rahta hai kaheNge tou wohee masAla darpesh hoga jo doosrey sher meN tha meree nacheez raye meN jiskee pabandee aap per lazim nahiN yuuN paRhker dekhiye shayad aap ko Khood baohat achcha lage:

Koii makeeN hai mere dil meN
ab yeh ghar veeraan nahiN hai

Maqtey meN agar kahiN "gar" shamil ho jata to baat aur bhi Caaf ho jaati, masla" "rasm.e wafa gar a'am nah kardooN". Bajooz in adna nikaat ke mukammal Gazal behud Caaf hai aur har sher lajawaab hai. Meri dad aur mubarakbaad qubool kijiye.

KhulooSkaar wa doago,

Jawaid Badauni
Muscat - Oman

[Ehsan Raza]

MOHATRAM JAWAID SB
GHAZAL KI PASANDIDGI AOR HIMMAT AFZAI KE LIYE BE HAD MASHKOOR HOON AAPKE MASHWARE BILKUL DURUST HAIN YEH GHAZAL WOH HAI JISKO MAINE BHI ABHI NAHIN SUNA HAI SIRF CHAND MINTON KI NIGARISH HAI. APKE MASHWARE PER SIRF NAZRE SAANI NAHIN BALKE AMAL KIYA JAYEGA AAPNE JIN NUQAT PER NISHAN DAHI KI HAI WOH HAOSLON KI BULANDI AOR ILM MEN IZAFA KARTE HAIN

ALLA HAFIZ EHSAN RAZA ''EHSAN BADAUNI''