Page 1 of 1
guz.22 ke miSreA per meri naAt S.A.W.S. Abdullah Nazir.
Posted: Fri Oct 06, 2006 3:42 pm
by Abdullah Nazir
MuHtaramaat o MuHtarameen
aHbaab-e-Sukhan,
PurkhulooS Tasleemaat,
Guzarish 22 ke miSreA per apni TaraHi naAt-e-sherif S.A.W.S pesh karne kee saAaadat HaaSil karrahaa hooN. Ummeed hei ke meri kaavish aapko pasand aayegi.
NaAt-e-sherif S.A.W.S roman meiN:
behr-e-kaunain banaayaa jo nabi kaa chehrah
"dast-e-qudrat se nah phir ban sakaa aisaa chehrah
khal bali mach gayi Makkeh kee Saf-e-aAdaa meiN
dil risaalat kaa hei, quraaN kaa saraapaa chehrah
zakhm per zakhm sahe uff nah kahaa lougaoN se
marHabaa zaat-e-ameeN, khulq-e-muSaffa chehrah
dekhnaa hei tou miri aankh se dekh aiy dunyaa
mazhar-e-noor-e-mubeeN, dilkash o zebaa chehrah
aankh meHroom-e-baSaarat hou yeh mumkin hei magar
kis ne dekhaa nahiN dil se gul-e-raAnaa chehrah
shiddate-e-fakhr-e-muaddat ke bayaabaanaoN meiN
saamne rehtaa hei sarkaar tumhaaraa chehrah
khaak-e-Taibah hei mujhe mushk-e-khutan se baRhkar
jiske zarrat ne dekhaa hei nabi kaa chehrah
mausam-e-yaas meiN ummeed-e-saHar baaqi hei
noor kaa ham ko dikhaade shab-e-yaldaa chehrah
fikr-e-Nazir ko hei kuch aisaa taAalluq tum se
khaab-e-ghaflat meiN bhee detaa hei dilaasaa chehrah.
=======
Aapka MukhliS,
Nazir.
Posted: Fri Oct 06, 2006 4:22 pm
by zmufti
Mohtaram Abdullah Nazir saheb
tasleemaat
aap ne buhat khoobsurat Naat inayat ki hai
Allah aap ko jaza-e-khair ata kare
wasalaam
zmufti
Posted: Fri Oct 06, 2006 6:50 pm
by jawaid badauni
MoHtarmee Abdulla Nazir SaHaab
Aadaab
Aap ki nAAt nazar nawaz huwwi. Kya kahna subHaan Allah. Har
sher se aap ki kohna mashqi zaahir hai. AshAAr meN muwaddat
ki mahak bhi maujood hai.
Sirf ek nukte per tawajjo ka talib hooN. Yehee mashwarah ek aur
buzurg ko bhi kaii baar de chuka hooN magar wahaN meri
tajweez qaablile qubool nahiN. Kisee bhi kalam meN KhuSoosan
Naat meN bohat ziyadah saqeel zubaan (Complex and advanced
Urdu) ke astAimal se kalam kum Urdu jan ne waloN ke
dastaras se tajawooz kar jata hai. Iskey barAkC aasaan zubaan
meN kaha gaya kalam baAAsaani sub ki samajh meN aa jata hai.
Ek Surat yeh bhi ho saktee hai keh mushkil alfaaz ke mAAna dey diye
jayeN magar Mushaairey meN yeh mumkin kahaN hai. Aap se
iltemaas hai aasaan aur saada zubaan ke istAimal ko tarjeeh dijiyega.
Naat nihayat pur aSar hai aur ashAAr dil ko chune wale haiN.
Meri daad aur mubarakbaad qubool kijiye.
MuKhliS
Jawaid
Bahut bahut shukriyah
Posted: Sat Oct 07, 2006 12:32 pm
by Abdullah Nazir
MuHtarami o Azeezi
Jawaid Badauni SaaHib,
PurkhulooS Tasleemaat,
Guz.22 ke miSreA per meri naAt-e-sherif S.A.W.S per tabSirah farmaate houe aap ne likhkhaa hei:
Aap ki nAAt nazar nawaz huwwi. Kya kahna subHaan Allah. Har
sher se aap ki kohna mashqi zaahir hai. AshAAr meN muwaddat
ki mahak bhi maujood hai.
Sirf ek nukte per tawajjo ka talib hooN. Yehee mashwarah ek aur
buzurg ko bhi kaii baar de chuka hooN magar wahaN meri
tajweez qaablile qubool nahiN. Kisee bhi kalam meN KhuSoosan
Naat meN bohat ziyadah saqeel zubaan (Complex and advanced
Urdu) ke astAimal se kalam kum Urdu jan ne waloN ke
dastaras se tajawooz kar jata hai. Iskey barAkC aasaan zubaan
meN kaha gaya kalam baAAsaani sub ki samajh meN aa jata hai.
Ek Surat yeh bhi ho saktee hai keh mushkil alfaaz ke mAAna dey diye
jayeN magar Mushaairey meN yeh mumkin kahaN hai. Aap se
iltemaas hai aasaan aur saada zubaan ke istAimal ko tarjeeh dijiyega.
Naat nihayat pur aSar hai aur ashAAr dil ko chune wale haiN.
Meri daad aur mubarakbaad qubool kijiye.
MuKhliS
Jawaid
NaAt-e-sherif S.A.W.S kee pazeerayi ke liye beHad shukrguzaar hooN.
Mushkil aur aasaan lafzoN ke baare meiN kisi ne koii qaaAidah murattab nahiN kiyaa hei.
Is mauZooA per maah-e-Ramadhan-e-kareem ke baAd "baat cheet" kee forum meiN tafSeel se tabaadila-e-khayaal karsakte heiN. Aap tayyari keejiye taakeh koii aise Hawaale de sakeN jinke kalaam ko aasaan yaa mushkil keh sakeN.
Aapka MukhliS,
Nazir.
Posted: Sun Oct 08, 2006 7:59 am
by farhan
Ustaad-e-MoHtaram Janab Abdullah Nazir SaHib
MASHALLAH...SUBHANALLAH...
aap ki kahi hui yeh khoobsurat nAa't mujhay bahut pasand aayii..daad peesh-e-khidmat hai....qabool farma kar sukriya ka mouQa dijae...
talib-e-dua..
farhan