Yaraan-e-meHfil aadaab!
abh~ee peTh~a Saef -ud-deen Saef marHoom kee Ghazal
"lazzat-e-Gham baRh~a dijiYe
aap YooN muskura dijiYe"
sun raha th~a. keh do GhazleeN isee zameen meN ho gaeeN.
aek z^areefanah hai jo "mazahiYah kaalam" kee laree meN laga dee hai. aor dusree Yeh jo pesh-e-khidmat hai.
aap sab kee raYe ka intz^aar rahe ga. beHer ke arkaan haiN.
faa e'lun........faa e'lun.........faa e'lun
212.................212....................212
bohot khubSurat aor narm zameen hai. dusre dost bh~ee t^aba' aazmaaeeN. bohot mazah aaeYe ga.
Ghazal
1,
rukh se pardah uTh~a dijiYe
z^ulmat-e-shab miTa dijiYe!
2,
gar e'naYat ke qabil naheeN
sakht koee saza dijiYe!
3,
jurm-e-ulfat kee padaash meN
meree hastee mita dijiYe!
4,
luT geYa shaoq ka karwaaN
raah zan ko dua'a dijiYe!
5,
be niYazee bohot ho chukee
mashq-e-joor-e-jafa kijiYe!
6,
maiN ne ch~eRa hai saaz-e-t^arab
koee naGhmah suna dijiYe!
7,
shaoq-e-nazz^arah kis ko naheeN?
aaj jalwah dikh~a dijiYe!
8,
dasht-e-furqat meN jaan-e-jahaaN
kh~o geYa hooN Sada dijiYe!
9,
bujh~ nah jaeYe charaaGh-e-wafa
YooN nah is ko hawa dijiYe!
10,
baRh~ geYa mera dard-e-jigar
mekade ka pata dijiYe!
11,
nakhl-e-ummeed murjh~a geYa
baGhbaaN ko dua'a dijiYe!
12,
aa rahee hai muz^affar kee na'sh
rastooN ko saja dijiYe!