Sab se pahle maiN maAziratkhwaah hooN ke apni be-intihaa maSroofiyat ke sabab MOSHAIREH ke forum kee MODSHIP per mubaarakbaad dene me ta'kheer kardi hei. Ummeed kartaa hooN keh aHbaab-e-Sukhan is jaanib tavajjuh denge aur aapko apnaa Haq adaa karne meiN kami nah karenge.
JahaN tak aapki zimmehdaari kaa taAalluq hei, wo yeh hei ke Is forum meiN hameshah HiSSah lenge waalaoN kaa khayaal karenge ke wo kisi sabab se ghaayib tou nahiN hougaye heiN. Jo aHbaab shirkat se munqaTiA houjaayeN unki tavajjuh mabzool karaayenge keh unke taAavun ke baghair hamaari khidmat-e-urdu naaqiS rehjaati hei.
Is ke Alaawah agar TaraHi miSreA ke silsile meiN agar aap ke paas koii tajveez hou tou khaaksaar ko likh sakte heiN.
=======
Guzaarish No.23 ke TaraHi miSreA per aapki ghazal bahut pasand aayi jiske liye meri dili daad aur mubaarakbaad qubool farmaayiye.
MULAAHIZAAT:
Yaad ehl-e-zindaaN ko aaee jab gulistaaN kee
"dh~ajjiYaaN uRa deeN haiN apne hee garibaaN kee"
roH bh~aTaktee rehtee hai a'aashiq-e-pareshaaN kee.
6,
saaHilooN peh Dubee haiN kashtiyaaN muHabbat kee
koee kiya khabar lata aane wale t^ufaaN kee?
7,
ab malaal kiya rakhkh~eeN apnee tishnah kamee ka
sar peh ab nah DaleeN ge khaak ham beyabaaN kee.
8,
rat jagooN meN bh~ee hamdam aek kaef hota hai
rae,gaaN naheeN jatee koee raat hijraaN kee.
wah wah bahut khoob...muzaffar jee aap ki ghazal mushaire ke liye dkeh kar behad khushi hui..bahut accha kalaam hai hasb-e-maamool...dili daad pesh hai...aur chalte chalte mod banne ki mubarakbaad lete jaayein..mabrook
Shumaila
Koi pooche humse hamaari haalat ka sabab
to ashk baha kar bhi baat adhoori reh jati hai
Waqt jaise kahin thehar sa gaya hai
Na Gham jaata hai na khushi aati hai
As salamu aalaikum wa rahmatullahi wa barakatuhu...
sub say pahlay aap mayri janib say Mubarak baad Qabool kijgeaga ki aap ko Moderator banadiya giya hai....yeh jaan kar bahut khushii hui....Admin ka yeh faisla ,hamaray liye eid ka Inaam (eidii) kay tour per laga....aap ko bahut bahut mubarak ho....
aap nay itni shaandaar ghazal kahii...wah wah bahut k hoob....tazmeen ka shair bahut hi khoob laga...daad aur mubarak baad is ghazal per hazir-e-khidmat hai..qabool kijgeaga...
roH bh~aTaktee rehtee hai a'aashiq-e-pareshaaN kee.
6,
saaHilooN peh Dubee haiN kashtiyaaN muHabbat kee
koee kiya khabar lata aane wale t^ufaaN kee?
7,
ab malaal kiya rakhkh~eeN apnee tishnah kamee ka
sar peh ab nah DaleeN ge khaak ham beyabaaN kee.
8,
rat jagooN meN bh~ee hamdam aek kaef hota hai
rae,gaaN naheeN jatee koee raat hijraaN kee.
wah wah bahut khoob...muzaffar jee aap ki ghazal mushaire ke liye dkeh kar behad khushi hui..bahut accha kalaam hai hasb-e-maamool...dili daad pesh hai...aur chalte chalte mod banne ki mubarakbaad lete jaayein..mabrook
Shumaila
Shummu jee aadaab!
Ghazal ko pasand farmane ke liYe aap ka mamnoon hooN.
aap it^minaan rakh~eeN maiN aap ko ummeed dilata hooN keh meHfil meN HaZ^ir hota rahooN ga. lekin is baat ka kiYa aa'tabaar hai keh aap YooNhee HoSlah baRh~atee raheeN gee
As salamu aalaikum wa rahmatullahi wa barakatuhu...
sub say pahlay aap mayri janib say Mubarak baad Qabool kijgeaga ki aap ko Moderator banadiya giya hai....yeh jaan kar bahut khushii hui....Admin ka yeh faisla ,hamaray liye eid ka Inaam (eidii) kay tour per laga....aap ko bahut bahut mubarak ho....
aap nay itni shaandaar ghazal kahii...wah wah bahut k hoob....tazmeen ka shair bahut hi khoob laga...daad aur mubarak baad is ghazal per hazir-e-khidmat hai..qabool kijgeaga...
talib-e-dua
farhan
moHtaram Farhan SaHeb aadaab!
aap ka bh~eja huwa mubarak baadee ka peghaam mila to dilee musarrat ka ahsaas peda huwa. aap ke be Had shukriyah!!
Ghazal ko yooN pasand farmane ke liYe aap ka be Had mamnoon hooN.
aap aese afraad kee HoSlah afzaee se do chaar she'er keh lete haiN warnah yeh sab kahaaN mumkin hai.
mujh~e qawee ummeed hai keh aap aae,ndah bh~ee ham sab kee himmat afzaee farmate raheeN ge.
aor ham aap ko apnee khaaS dua'aaooN meN Yad rakh~eeN ge.
Ahle zindaaN ko gulistaaN ki yaad dilaa kar aap ne khoob manzaar baandha hei.
dushmanoN se kiya karte ham gilah a'dawat ka?
dostooN ne luTee hai aabru gulistaaN kee.
iss shair meiN mein aabru gulistaaN ki tarkeeb kamaal hei. lafz aapro se gulalistaaN ki pakeezgi ka izhaar khoob rahaa.
mar geya to kiya taasuf th~a yahee muqaddar meN
taab kaon laaya hai zakhm-e-teGh-e-mizhgaaN kee?
ye shair silasat o rawani meiN kamal hei.
qiSSah kiya sunaeeN ham talkhiee-e-zamanah ka?
khooN rula gaee ham ko be basee musalmaaN kee.
aha ha !!! gehir hamdardi ka khoobsoorat izhaar.
aadmee ke marne se aarzu naheeN miTtee
roH bh~aTaktee rehtee hai a'aashiq-e-pareshaaN kee.
ooper walay shair meiN muslimaanoN se hamdardi ke baad ye sochna yaqeenun qareeb uz gunah ho ga ke aap Islami rewayat ke khilaaf ja sakteiN hain. Yaqeenun "baad merne ke rooh bhatkane ko" aap aashiq ki arzoo ki shiddat ki balaghat meiN istaAmaal kar rahaiN. Iss paira-aye meiN mazmoon mujhe khoobsoorat laga. agar meiN kam ilmi ki waja se ghalat samajh payaa hooN toa umeed hei ke aap tasHeeH farm-aiN ge.
saaHilooN peh Dubee haiN kashtiyaaN muHabbat kee
koee kiya khabar lata aane wale t^ufaaN kee?
ye shair shaid meri zahni sataH se buland tar hei. iss leeaye mafhoom poori taraH samajhne se qaSir raha.
ab malaal kiya rakhkh~eeN apnee tishnah kamee ka
sar peh ab nah DaleeN ge khaak ham beyabaaN kee.
ji haalat se samjhote ka oar phir dil ko samjhane ka aik khoobsoorat bayan hei
rat jagooN meN bh~ee hamdam aek kaef hota hai
rae,gaaN naheeN jatee koee raat hijraaN kee.
bilku such famaya aap ne.
kala'dam nah kar Dale Sar Sar-e-jafa teree
kaT chukeeN tanabeeN sab mere khemah-e-jaaN kee.
ye bhi meri samajh se baalaa tar thehraa. umeed kartaa hooN ke iss mehfil meiN rehte huway mere fikr ki rasai batadreej apna daira kar waseeA karti jaa-aye gi.
