Harf 'Gain' se ash'aar qalam_band kijiiye

Post by **Shummu** » Wed Nov 15, 2006 4:08 pm

Ghazab kiya tere waade pe aitebaar kiyaa
tamaam raat qayaamat ka intizaar kiyaa

hassan_bashir · Post by **hassan_bashir** » Fri Nov 17, 2006 12:57 pm

Gham-e-hastii kaa :Asad: kis se ho juz marg ilaaj
shammaa har raNg meiN jalatii hai saHar hone tak

Post by **Shummu** » Fri Nov 17, 2006 4:33 pm

gham-e-furqat ka shikva karne vaali
miri maujoodgi meiN so rahi hai

hassan_bashir · Post by **hassan_bashir** » Fri Nov 17, 2006 4:37 pm

Gham sabhi raahatoN taskeen meiN Dhal jaate haiN,
jab karam hotaa hai, haalaat badal jaate haiN!!!!!!!!!

Post by **Shummu** » Fri Nov 17, 2006 7:19 pm

gham se bahal rahe hai.n aap aap bahut ajiib hai.n
dard me.n Dhal rahe hai.n aap aap bahut ajiib hai.n

hassan_bashir · Post by **hassan_bashir** » Sat Nov 18, 2006 8:21 am

Gham rahaa jab tak ki dam meiN dam rahaa,
dil ke jaane kaa nihaayat Gham rahaa!!

hassan_bashir · Post by **hassan_bashir** » Sat Nov 18, 2006 6:16 pm

Ghazal meiN bandish-e-alfaaz hii nahiiN sab kuChh,
jigar kaa Khuun bhii kuchh chaahiYe asar ke liYe!

Abdullah Nazir · Post by **Abdullah Nazir** » Sun Nov 19, 2006 3:37 am

gham-e-zeest parwardigaar aur kab tak

ba-eeN daaman-e-taar taar aur kab tak.

Shaayer: Abdullah Nazir.

Nazir.

hassan_bashir · Post by **hassan_bashir** » Sun Nov 19, 2006 11:41 am

GhamoN ne ghair liYaa hai mujhe to kyaa Gham hai?
maiN muskuraa ke jiyuuN gaa terii Khushii ke liYe!!

Abdullah Nazir · Post by **Abdullah Nazir** » Sun Nov 19, 2006 5:53 pm

ghaur karnaa hei karou apni ravaadaari per

mere ashkaoN ke samundar ko ravaaN rehne do.

Shaayer: Abdullah Nazir.

Nazir.

hassan_bashir · Post by **hassan_bashir** » Mon Nov 20, 2006 1:48 pm

Gham ka Khazaanaa tiraa bhii hai miraa bhii,
yeh nazraanaa tiraa bhii hai meraa bhii!

Abdullah Nazir · Post by **Abdullah Nazir** » Wed Nov 22, 2006 2:47 pm

ghair tou ghair thay apnaoN ne bhee moNh pher liyaa

yeh muSeebat meiN zamaane kaa chalan houtaa hei.

Shaayer: Abdullah Nazir.

Nazir.

hassan_bashir · Post by **hassan_bashir** » Thu Nov 23, 2006 11:56 am

Gham se kaheeN najaat mile Chain paayeN ham
dil Khuun meiN nahaaye to GaNgaa nahaayeN ham

hassan_bashir · Post by **hassan_bashir** » Fri Nov 24, 2006 10:47 am

Ghaur se suun to :Raza: Kaaba se aati hai sadaa
miree aaNkhoN se mire pyaare ka "Rozaa" dekho

~ Aala Hazrat

Abdullah Nazir · Post by **Abdullah Nazir** » Sat Nov 25, 2006 8:25 am

gharat-gar-e-Hayaat, kahaaN tak yeh furqateN

jeenaa muHaal hougayaa ab dil ko chouRkar.

Shaayer: Abdullah Nazir.

Nazir.