dosto
aap sabko eid al azha aur naye saal kee hum dilee mubaarakbaad pesh kartay hai.n.
is khushee kay mouqay per aapkay liye apna aik naacheez tohfah lekar aaye hai.n
gar qubool uftad zahay.........
arz kiya hai.........
kaha qur'aan mei.n hum say khuda nay
tujhay paidaa kiya hai aazmaanay
nahi.n hai dahr mei.n mujh jaisa koyee
miree wahdaaniyat kay gaa taraanay
nawaazaa 'aql say humnay hai tujhko
lagaa hai kyu.n bataa khud ko mitaanay
tiree hastee say too waaqif nahi.n hai
chupay anmol hai.n tujh mei.n khazaanay
agar pehchaan laygaa too khudee ko
tiray qadmo.n mei.n hongay yeh zamaanay
baraaye muttaqi jannat banee hai
tujhay bas nekiyaa.n ab hai.n kamaanay
musalmaa.n hai tau phir islaam per chal
salaamee dayngay tujhko yeh zamaanay
zameer apna tataulay gar yeh insaa.n
"tau shaayed laut aaye.n din puraanay"
qalam say inquilab aatay hai.n haamid
kaha humsay hamaaray mustafaa( )nay
nateejaye fikr
haamidbaaqri
al hamdulillah_