• maiN shehr meiN kisi k baraabar naheeN rahaa

Posted: **Sun Feb 06, 2005 11:25 pm**

bphat khoob kalam hay apka, dhern daad qubool kijiyey.allah karay zor-e-qalam aur ziyadah
:)

Posted: **Mon Feb 07, 2005 5:52 am**

MuHtarami
NAJM Saahib

Pukhuloos Tasleemaat, :)

Aapki ghazal paRhkar bahut khushi houi. Aap jaise shoAaraa hazraat ne is meHfil kii raunaq baRhaayi hei jiske liye ham URDUBANDHAN se munsalik afraad aapke beHad shukrguzaar heiN.

Aapke saare ke saare ashAaar bahut hii dilkash heiN.

Ummeed karte heiN ke aayindah bhii aap hameN apne kalaam se navaazte rahenge.

Aapka Mukhlis,

Nazir.

Posted: **Mon Feb 07, 2005 4:05 pm**

daaman mira ye ashkoN se kab tar naheeN rahaa
kyaa dil ka dasht pehle sumandar naheeN rahaa!

jab tak shaoor-e-zaat thaa tuHmat hi sar rahii
Had se baRha shaoor to phir sar naheeN rahaa!

sun.te haiN k wafaa pe ab woh Harf aa.Ye haiN
sun.te haiN koi shehr meiN dilbar naheeN rahaa

Wah bahut khoob Najm sahab....ye ash'aar bahut pasand aaye..daad haazir hai. :)

Shumaila

Posted: **Sun Feb 13, 2005 6:37 am**

najm wrote:aHbaab-e-meHfil, aadaab-o-tasleemaat,
aek Ghazal pesh-e-Khidmat kar rahaa hooN. ummeed hai k aap ko pasand aae gii.
aap ki aaraa ka muntazir,
Najm

Ghazal

daaman mira ye ashkoN se kab tar naheeN rahaa
kyaa dil ka dasht pehle sumandar naheeN rahaa!

jab tak shaoor-e-zaat thaa tuHmat hi sar rahii
Had se baRha shaoor to phir sar naheeN rahaa!

nok-e-sinaaN ki baat hi kuch aur hai k ab
"maiN shehr meiN kisi k baraabar naheeN rahaa"

sun.te haiN k wafaa pe woh ab Harf aa.Ye haiN
sun.te haiN koi shehr meiN dilbar naheeN rahaa

qaHt^-e-wafaa ka zikr maiN ab aur kyaa karoN
sar phoRne k waast^e patthar naheeN rahaa

Najm sahib ,salaam e masnoon
bahut umda laikin mukhtasar ghazal bahut pasand aai, daad qubool farmaiN.
shukria
Mahtab Qadr

maiN shehr meiN kisi k baraabar naheeN rahaa

Bahut khoob Waah Waah

Re: maiN shehr meiN kisi k baraabar naheeN rahaa