Ghazal ............. Mahshar Badauni

[Muzaffar Ahmad Muzaffar]

moHtarmah Sara Jabeen SaHibah aadaab! :rose

Is Ghazal kee jitnee bh~ee ta'reef kee jae utnee kam ho gee. dekh~eeN kaesa dard hai is ke she'erooN meN waah meree khush qismatee hai keh maiN ne yeh Ghazal ba zabaan-e-khaliq-e-Ghazal sunee hai. lekin ab aek muddat ba'd bh~ee is ka lut^f aor saoz kam naheeN hone pata. zeyadah kiya likh~ooN keh GhaZ^ab Dh~a rahee hai.

kare dariyaa na pul mismaar mere

Mahashar Badayuni

kare dariyaa na pul mismaar mere
abhii kuchh log hain us paar mere


bahut din guzre ab dekh aauuN ghar ko
kaheinge kyaa dar-o-diivaar mere

vahiin suuraj kii nazarein thiien ziyaadaa
jahaaN the peRh saayaadaar mere

vahiin ye shahar hai to shahar vaalo
kahaaN hai kuuchaa-o-baazaar mere

tum apnaa haal-e-mahajuurii sunaao
mujhe to khaa gaye aazaar mere

jinhein samjhaa thaa jaan_parvar main ab tak
vo sab nikle kafan bar_daar mere

guzarte jaa rahe hain din havaa se
rahein zindaa salamaat yaar mere

dabaa jis se usii patthar mein Dhal kar
bike chehre sar-e-baazaar mere

dariichaa kyaa khulaa merii ghazal kaa
havaayein le uRhii ashaar mere

ise bazm meN pesh karne ke liye aap ka shukrguzaar hooN.

Wassalam
Muz^affar