• KHUSHAAMADED RAJ KUMAR Saahib

Posted: **Mon Feb 07, 2005 4:02 am**

[rainbow][h1]

Khushamdeed herdil-Azees RAJ KUMAR saahib

[/rainbow][/h1]

Muhtarami
RAJ KUMAR Saahib

MaiN yeh souch rahaa thaa ke kahiN meri nazar is qadar kamzour tou nahiN hougaiee ke aap jaise jagmagate houe sitaare ko maiN dekh nahiN paarahaa hooN. Aap ne meri ghalaTfehmi door kardi aur apni hii is meHfil meiN tashreef laakar mujhe baseerat ATaa farmaayi.

Is se baRhkar Urdubandhan ke liye iAzaaz kii baat aur kyaa housakti hei!. Ham sab URDUBANDHAN se juRe houe loag aapka tah-e-dil se isteqbaal karte heiN. Ummeed ke aap apni takhleeqaat se is meHfil kii raunaq baRhaate rahenge. Shukriya.

Aapka Mukhlis,

Nazir.

Posted: **Mon Feb 07, 2005 5:04 am**

moHtaram janaab e Raj saaHib,

namashkaar,

ummeed hai ki mizaaj-e-giraamii ba_Khair hoNge.

[rainbow][h2]Khush-aamded/Welcome/Shuvh-aagaman

[/h2][/rainbow]

aapko is maHfil meN dekh kar mujhe baRii Khushii huii aur maiN aapii tashreef_aavorii ke liye teh-e-dil se shukr_guzaar huuN. ham sabhii ko aapse seekhne ke mavaaq'e yaqeenan Haasil hoNge. aapkii taKhleeqaat aur nigaarishaat ka shiddat se intezaar rahegaa.

merii aapse iltijaa hai ki agar aap apnii VO 2 dil_kash aur Haseen nazmeN yahaaN hamaare liye pesh kar sakeN to ham sab aapke aabhaarii hoNge.

#1. vo jis meN aapne "beemaar dil ko zer e nashtar-e-jarrah kiyaa thaa" lolz
#2 vo nazm jise aapne apnii moor_chashmii kii aamad par kahii thii

yeh donoN nazmeN mere dil ko bahot 'azeez haiN. maiN ne ise apne computer par maHfooz bhii kiyaa thaa magar mera vo computer aaN_jahaanii ho gayaa.

aapkaa bahot bahot shukria.

faqat Khaak_saar,

Hashmat

Posted: **Mon Feb 07, 2005 7:56 am**

Mohtaram Janab-e-Raj Kumaar saaHeb:

Aadaab,

Aap ko iss bazm meN daikh kar bohat khushi howee.
Aap ko dil kee ghairayooN se khush aamadeed kehtee hooN iss yaqeen ke saat ke aap apne khoobsoorat kalaam se iss bazm kee rounqeN qaim-o-dahem rakheNge. :)

Best Regards

Zahida Raees :Raji:

Posted: **Mon Feb 07, 2005 4:36 pm**

vo aaye ghar me.n hamaare Khudaa kii qudrat hai
kabhii ham un ko kabhii apne ghar ko dekhate hai.n

(hope maine sher sahii likha hai )

wow Raj Kumar sahab aap ko yahan dekh kar behad musarrat hui hai...dil ki gehraaiyon se KHUSHAAMADEED ...ummeed hai aap aate rahenge aur mehfil ko apni tehreeron se nawaazte rahenge :D

Shumaila

Posted: **Tue Feb 08, 2005 1:23 pm**

Raaj saaHib Aadaab :)

aap ko is bazm meiN dekh kar inthai khushi ho rahi hai ..aap ka purjosh khairmaqdam hai. :D