Ghazal Mehfil e sukhan ke liye

Kuhnah mashq ShoAraa kaa kalaam jo beHr meiN hounaa zaroori hei

Moderator: Muzaffar Ahmad Muzaffar

Post Reply
Muzaffar Ahmad Muzaffar
-
-
Posts: 1258
Joined: Sun Feb 12, 2006 1:40 pm
Location: London, England
Contact:
Contact Muzaffar Ahmad Muzaffar

Post by Muzaffar Ahmad Muzaffar »

Sara JabeeN SaHibah aadaab!

kiya kehne waah Ghazal dekh~ kar baRa lit^f aaya. baRee rawanee aor barjastagee se aap ne Haal-e-dil-e-GhamgeeN keh diya hai. aor baRe sadah aor salees rang meN iz^haar kee sae'ee kee hai. bandishooN aor tarakeeb ko qadratee andaaz meN aane diya hai. waah!

meree dilee dad aor mubarak baad qubool kijiye!

Wassalam
Muz^affar
Top
Star Mind
-
-
Posts: 365
Joined: Sat Dec 11, 2004 11:39 pm
Location: Balochistan
Contact:
Contact Star Mind

Post by Star Mind »

Saara aapa, aadaab !

kaise mizaaj haiN ?

maashaa Allah ! kyaa hii Khoob Ghazal i'naayat farmaa'ii hai ! poorii ki poorii Ghazal hii Khoob hai ! aur daad Haazir hai ! :) , aur haaN KhuSooSa" aaKhrii 4 asha'aar to be-Had pasand aaye ! un ke liye alag se KhuSooSii daad ! :) . YuuNhi likhtii rahiye ! shukriya

Zia Baloch
Dikhaadi shaan, phir ahl-e-chaman ko, Be-niyaazi ki

Khamoshi se jhatak kar, aaj phir, dast-e-sabaa maiN ne

Zia Baloch
Top
User avatar
Shummu
-
-
Posts: 733
Joined: Mon Dec 13, 2004 11:41 am
Contact:
Contact Shummu

Post by Shummu »

3. main yeh samjhee keh moHabbat ki kashish laayee hai
woh mire pahlu meN aaye thEy dikhawa karne

wah sara sis wahhhhhhhhhhhhhhhhhh..is sher ne to jaan le li...bahut hi khoob..saari daad pesh hai is sher pe... rose:

shumaila

Koi pooche humse hamaari haalat ka sabab
to ashk baha kar bhi baat adhoori reh jati hai

Waqt jaise kahin thehar sa gaya hai
Na Gham jaata hai na khushi aati hai
Top
Sarwar A. Raz
-
-
Posts: 518
Joined: Sat Jan 01, 2005 3:18 pm
Location: Fort Worth, Texas
Contact:
Contact Sarwar A. Raz

Post by Sarwar A. Raz »

a'zeezah Sara: salaam!

aap kee Ghazal dekhee. maashaa-Allah aap kee shaa,i'ree nikhar chalee hai aur maiN pehle ke muqaabileh meN bohat behtaree dekh rahaa hooN. yeh aap kee meHnat aur Abdullah Nazir SaaHeb kee rehnumaayee kaa nateejah hai. is lagan aur meHnat ke liYe meree daad qubool keejiYe!
------------------------
1. kya Ghazab hai woh lage hum se hi shikwa karne
jin se hum aaye they izhaar-e tamanna karne

achhaa mat^la' hai. daad!
---------------------
2. teeragee chaahiye taaroN se kaho chhup jaayeN
"raat aayee hai miray gham meiN izaafah karne"

she'r Theek hai lekin maZ^moon kamzor lagaa. Khair, kabhee kabhee yooN bhee hotaa hai!
-----------------------------
3. main yeh samjhee keh moHabbat ki kashish laayee hai
woh mire pahlu meN aaye thEy dikhawa karne

:dikhaawaa karnaa: muHaawirah mujh ko bhalaa naheeN lagaa. lekin yeh Sirf meree raaYe hai.
------------------------
4. rung aa jayega phooloN pe fazaaoN meN mahak
aap aayeN tou gulistaaN ka nazara karne

ek meHfil meN chand dostoN ne kahaa hai keh SaHeeH lafz^ :nazzaaraa: hai :nazaaraa: naheeN! lekin yeh baat durust naheeN hai. donoN hee talaffuz^ meN yeh lafz^ musta'mil hai. Ghalib kehte haiN:

jab woh jamaal-e-dilfaroz, Soorat-e-mehr-e-neemroz
aap hee ho nazaaraa soz, pardeh meN muNh chhupaaYe kyoN

i'shrat-e-qatlgah-e-ahl-e-tamannaa mat poochh
e'id-e-nazzaaraa hai shamsheer kaa u'ryaaN honaa

pehele she'r meN :zoe: par tashdeed naheeN hai aur doosre meN tashdeed hai.
--------------------------------
5. sej phooloN kee mubarak ho tumheN ahl-e chaman
hum yahaN aaye hain kaanTon pe guzara karne

she'r yooN to Theek hai lekin maZ^moon tishnah rahaa.
----------------------------
6. Khaar raahoN meN buraayee ne bichhaaye :Sara:
Ghar se hum nikle kabhi kaam jo achcha karne

maqt^a' achhaa hai. daad!
===========================
Ghazal kaa u'meemee raNg pasand aayaa. yooN hee kehtee rahiYe.

Sarwar A. Raz "Sarwar"
yooN aur bohat a'ib haiN :Sarwar: meN wa-lekin
kambaKht muHabbat meN to yaktaa nazar aayaa

Sarwar A. Raz :Sarwar:
Top
User avatar
muhammad_19k
-
-
Posts: 540
Joined: Wed Nov 22, 2006 8:36 am
Location: Lahore
Contact:
Contact muhammad_19k

Post by muhammad_19k »

Salam Sara Ji

daikhiaye is baar mujhe dair ho gayee.

JANAB SARWAR SB, MUZAFAR SB, ZIA BALOCH BALOCH SB AOR SHAMMU SAHIBA aap ki ghazal par apni aaraa likh chukay haiN. ub bhalaa miray pass kia bachaa kehne ko ?

So aik khoobSoorat ghazal par daad qabool kijiaye.

aap ki is ghazal meiN ye walaa sha'er mujhe sab se zyaadaa pasand aayaa,

main yeh samjhee keh moHabbat ki kashish laayee hai
woh mire pahlu meN aaye thEy dikhawa karne

bohat khoob janab.

Allah kare zor e qalam aor zyaadaa,

dua'aa gao,
MUHAMAMD K. SIDDIQUI.
Muhammad K. Siddiqui.
+92 321 4435273

938-C-Faisal Town, Lahore.
Pakistan.
+92 42 111516516
muhammad_19k@hotmail.com
Top
User avatar
sbashwar
-
-
Posts: 1654
Joined: Wed Dec 08, 2004 1:25 pm
Do you know URDU language?: Yes
Location: Hyderabad, India
Contact:
Contact sbashwar

Post by sbashwar »

:salaam: Sara Sahiba,

Aapki ghazal ke zail ke ash'ar pasand aaye:

1. kya Ghazab hai woh lage hum se hi shikwa karne
jin se hum aaye they izhaar-e tamanna karne

Wah bohat khoob. Mat'la sabse zyada pasand ayaa.

3. main yeh samjhee keh moHabbat ki kashish laayee hai
woh mire pahlu meN aaye thEy dikhawa karne

Sheir achcha hai. Wah


4. rung aa jayega phooloN pe fazaaoN meN mahak
aap aayeN tou gulistaaN ka nazara karne

Sheir pasand ayaa. Misra-e-sani bohat achcha hai. Wah


6. Khaar raahoN meN buraayee ne bichhaaye :Sara:
Ghar se hum nikle kabhi kaam jo achcha karne

Wah.

Meri dili daad aur mubarakbaad qubool farmayega.
Shukria
سالم احمد باشوار
Top
Anis Hasan
-
-
Posts: 40
Joined: Sun Feb 06, 2005 8:38 pm
Location: karachi
Contact:
Contact Anis Hasan

Post by Anis Hasan »

Mohtarma Sara saheba,
Aap ki ghazal achi hai pasand aayee khas taur par teesra shair buhat pasand aaya meri janib say daad qabool kijiyay.
Anis Hasan
Top
khudrath ali khan
-
-
Posts: 11
Joined: Tue Apr 10, 2007 5:16 am
Location: India
Contact:
Contact khudrath ali khan

Post by khudrath ali khan »

bahut khoob...taba azami bam-e-orooj pur hai....fun apne poore nikhar pur hai...daad qubool farmaein...khudrath
Top
Post Reply

Return to “Kalaam-e-Sukhanwar”