Qaasid Kabutar--Ahmad Faraaz
Yeh lahu
Jissay meray
ShehroN kay
Saaray raasty
gulgooN haiN
Aur har pairhun ka ruNg unnabi hai
Kal kay mausamoN
Aur aanay waalay
SoorajoN
Ka zamzama-gar hai
Chalo tumnay to
Kali surkhiaN
Miqraaz kar daaliN
Sukhan nakhcheer kar daalay
Magar ab in hawaaoN ko bhi roko
Jo tumharay maqtaloN ki laaliaN
Aur taza khooN ki khushbuaiN
Aur unki awaazaiN liyay
GalioN say
BazaroN say
ShahraahoN say ho kar
Har taraf
Qaraya-b-qaraya
Phailti jaati haiN
NaadaaoN
HawaaiN naamwar baunti haiN
Jab qaasid kabootar qaid hotay haiN
--------------------------------
Azaad nazmoN ka silsila
Moderator: Muzaffar Ahmad Muzaffar
adaab
I am sharing a beautiful nazm by Amjad islam which I came across another site.Hope it will be liked:
MUHABBAT KI AIK NAZM
Agar kabhi mairi yaad aay
Tau chand raatoN ki narm dilgeer roshni maiN
kissi sitaray ko daikh laina __
Agar woh nakhl-e-falak say uR kar tumharay qadmoN maiN aa giray tau
Yeh jaan laina, woh iste'ara tha mairay dil ka,
Agar na aay........
Magar yeh mumkin hi kis tarah hai keh tum kissi per nigah daalo
Tau us ki deewaar-e-jaaN na tootay
Woh apni hasti na bhool jaay
Agar kabhi mairi yaad aay
Guraiz karti hawa ki lehroN peh haath rakhna
MaiN khushboowoN maiN tumhaiN milooN ga
Mujhay gulaaboN ki pattyoN maiN talash karna
Main aous qatroN kay aainoN maiN tumhaiN milooN ga ___
Agar sitaroN maiN, aous qatroN main, khushboowoN main na paao mujhko
Tau apnay qadmoN maiN daikh laina
MaiN gard hoti musaftoN main tumhaiN milooN ga ___
KaheeN peh roshan charagh dekho tau jaan laina
Keh har patangay kay saath maiN bhi bikhar chuka hooN
Tum anay haathoN say unn patangoN ki raakh darya maiN daal daina
MaiN khak ban kar samundaroN maiN safar karooN ga ___
Kissi na daikhay muway jazeeray peh ruk kay tum ko sadaieN dooN ga
SamundaroN kay safar peh niklo tau uss jazeeray peh bhi utarna ___
Poet : Amjad Islam Amjad
MUHABBAT KI AIK NAZM
Agar kabhi mairi yaad aay
Tau chand raatoN ki narm dilgeer roshni maiN
kissi sitaray ko daikh laina __
Agar woh nakhl-e-falak say uR kar tumharay qadmoN maiN aa giray tau
Yeh jaan laina, woh iste'ara tha mairay dil ka,
Agar na aay........
Magar yeh mumkin hi kis tarah hai keh tum kissi per nigah daalo
Tau us ki deewaar-e-jaaN na tootay
Woh apni hasti na bhool jaay
Agar kabhi mairi yaad aay
Guraiz karti hawa ki lehroN peh haath rakhna
MaiN khushboowoN maiN tumhaiN milooN ga
Mujhay gulaaboN ki pattyoN maiN talash karna
Main aous qatroN kay aainoN maiN tumhaiN milooN ga ___
Agar sitaroN maiN, aous qatroN main, khushboowoN main na paao mujhko
Tau apnay qadmoN maiN daikh laina
MaiN gard hoti musaftoN main tumhaiN milooN ga ___
KaheeN peh roshan charagh dekho tau jaan laina
Keh har patangay kay saath maiN bhi bikhar chuka hooN
Tum anay haathoN say unn patangoN ki raakh darya maiN daal daina
MaiN khak ban kar samundaroN maiN safar karooN ga ___
Kissi na daikhay muway jazeeray peh ruk kay tum ko sadaieN dooN ga
SamundaroN kay safar peh niklo tau uss jazeeray peh bhi utarna ___
Poet : Amjad Islam Amjad