"pyaar hi husnay zindagaani hai"tarhi ghazal pesha

[haamidbaaqri]

Assalaam o alaikum
dosto

aik aur tarhi ghazal hum aapkay hawaalay kar rahay haiN

gar qubool uftad zahay......

arz kiya hai.....

husn raaja hai husn raani hai
husn hi say yeh zindagaani hai

pyaar kar husn say aray naadaaN
zindagi say bhi kam jawaani hai

baant'taa pyaar chal zamaanay meiN
pyaar hi husnay zindagaani hai

husnay akhlaaq pyaar aur ulfat
deenay islaam ki neshaani hai

husnay 'aalam hai husnay rabbaani
"husn ek kaifay jaawedaani hai"

hum peh insaaniyat kau naaz rahay
zindagi milkay yuN bitaani hai

seekhlau sabr karna aye haamid
aag ghussah hai sabr paani hai

nateejaye fikr
haamidbaaqari
al hamdulillah