Haseen "Taj" per likhi aapki haseen nazm paRhi aur
Taj ke haseen tasavvur mein kho gai , poori nazm
hi umda hai lekin khusoosi daad is per!
"devaaroN meN ik soz.e moHabbat sa nihaaN hai
yeh Taj kahaN aah.e dil.e “Shah JahaN” hai
hai Shaah ki rudaad nah malika ki kahani
yeh Taj hai dou ishq ke maroN ki nishani "
waah! bohat khoob!
forum ki raunaq barqaraar rakhne ke liye aapka tahe dil
se shukriya ada karti hoon.
mukhlis
sara
Azeezah Sara SaHibah
aadaab
ummid hai baKhairiyat pahooNch gayee hoNgee. Is baar Agra zaroor jaiyega aur saath meN meri nacheez nazm bhi letee jaiye. isey Taj ke samne baiThker paRhiyega bohat maza aayega. Lekin wahaN ka mausam bohat sard hai puri tayyari se jaaiyega.
mujhe fikr thee nah jane yeh nazm aap dekh sakeNgee ya nahiN. jumla forums per isey bohat pasaNd kiya gaya hai.
ummid hai tAteel ka pura maza le rahee hoNgi. aapke tamam aaizaa' KhuSoosan aap ki walidah ki Khidmat meN mera aadaab.
Aap kee dilkash aor dilpaZeer nazm "Taj maHal" dekhee. qabl is se maqbool shaae'ir SaaHir Ludhyanawi marHoom kee isee maoZ^o' par nazm bhee ka'ee baar dekhee hai. donooN naz^meeN apnee micaal aap haiN. kheyaal kee upaj aor qaadir-ul-kalamee donooN meN khoob numay'yaaN ho gaee hai.
Aap ne Saara jee ko khoob mashwarah diya hai keh woh Taaj mahal ke saamne baeTh kar yeh paRheeN.........agar maiN India geya hota to aesaa Z^aroor kartaa lekin apnee aesee qismat kahaN.
meree jaanib se is khubSurat aor muraSSa' koshish par dilee daad qubool keejiye.
"Yamuna" ke kanare jo HaseeN Taj Mahal hai
lagta hai keh jaise kisee shayar ki Ghazal hai
Waah! Waah!
devaaroN meN ik soz.e moHabbat sa nihaaN hai
yeh Taj kahaN aah.e dil.e “Shah JahaN” hai
Kiya kehne!
hai Shaah ki rudaad nah malika ki kahani
yeh Taj hai dou ishq ke maroN ki nishani
Waah!
is mulk ke jalwoN ka hai sartaj yehee Taj
har mulk ke sayyaHoN ki m’eraaj yehee Taj
Waah!
jo dekhe isey aatish.e ulfat se woh jal jaye
paththar meN kashish aisee keh paththar bhi pighal jaye
Kiya kehne Waah Waa!
duniya meN nah aisee koii devar na dar hai
yeh Taj nahiN m’ojzaa.e funn.o hunar hai
Bohot khoob Waah Waah!
maGrib ki faza apne nazaaroN pe hai nazaaN
is Taj ki rAnaaii pe lekin hai woh HairaN
Bohot khoob!
ai Taj tire Husn ke andaaz nirale
har samt se aate haiN tujhe dekhne waale
Bohot khoob!
yakta hai tira Husn woh yakta hi rahega
tou ek Ajoobah hai Ajoobah hi rahega
Muzaffar Ahmad Muzaffar wrote:moHtaram Biradaram Jawaid SaaHib tasleemaat!
Aap kee dilkash aor dilpaZeer nazm "Taj maHal" dekhee. qabl is se maqbool shaae'ir SaaHir Ludhyanawi marHoom kee isee maoZ^o' par nazm bhee ka'ee baar dekhee hai. donooN naz^meeN apnee micaal aap haiN. kheyaal kee upaj aor qaadir-ul-kalamee donooN meN khoob numay'yaaN ho gaee hai.
Aap ne Saara jee ko khoob mashwarah diya hai keh woh Taaj mahal ke saamne baeTh kar yeh paRheeN.........agar maiN India geya hota to aesaa Z^aroor kartaa lekin apnee aesee qismat kahaN.
meree jaanib se is khubSurat aor muraSSa' koshish par dilee daad qubool keejiye.
"Yamuna" ke kanare jo HaseeN Taj Mahal hai
lagta hai keh jaise kisee shayar ki Ghazal hai
Waah! Waah!
devaaroN meN ik soz.e moHabbat sa nihaaN hai
yeh Taj kahaN aah.e dil.e “Shah JahaN” hai
Kiya kehne!
hai Shaah ki rudaad nah malika ki kahani
yeh Taj hai dou ishq ke maroN ki nishani
Waah!
is mulk ke jalwoN ka hai sartaj yehee Taj
har mulk ke sayyaHoN ki m’eraaj yehee Taj
Waah!
jo dekhe isey aatish.e ulfat se woh jal jaye
paththar meN kashish aisee keh paththar bhi pighal jaye
Kiya kehne Waah Waa!
duniya meN nah aisee koii devar na dar hai
yeh Taj nahiN m’ojzaa.e funn.o hunar hai
Bohot khoob Waah Waah!
maGrib ki faza apne nazaaroN pe hai nazaaN
is Taj ki rAnaaii pe lekin hai woh HairaN
Bohot khoob!
ai Taj tire Husn ke andaaz nirale
har samt se aate haiN tujhe dekhne waale
Bohot khoob!
yakta hai tira Husn woh yakta hi rahega
tou ek Ajoobah hai Ajoobah hi rahega
Waah Waah!
Wassalam
Muzaffar A Muzaffar
azeezi wa moHibbee Muzaffar Sb.,
aadaab.o.tasleemaat
meri ek qadrdaaN moHtarma Dr. Tayyaba Qidwai SaHibag jo Muscat meN hi rahtee haiN mujh se yeh farmaaiish ki thee keh maiN Taj Mahal per nazm kahoN. yeh koii mukamal nazm tou nahiN hai haaN chuNd ashAAr Shah JahaN ke jazbaat ko peshnazar rakhte huuwe kah diya haiN. mujhe Khud Hairat hai tamam forums meN is nazm ko meri tawaqqo se ziyadah pazeeraayee milee hai.
Aaap ki daad hamesha ki tarah baaYise masarrat hai. himmat afzaayee ke liye mamnoon hooN.
maiN jo muKhtaSar ghazaleN aur nazmeN kahta hooN uska ek sabab yeh bhi hai keh maiN chaahta hooN mera kaha log paRhen aur mujhe apni aara se nawazeN. ziyadah tafSeeli cheezeN maiN Khud nahiN paRh pata hooN tou auroN se yeh tawaqqo kyuuNker karoN keh woh meri taweel taKhaliq ko paRhnge.
