یاران بزم : آداب
کل ایک رسالہ دیکھ رہا تھا۔ اس میں لکھا تھا کہ مرزا یاس عظیم آبادی کی عیادت کو سید ذوالفقار علی بخاری جب گۓ تو باتوں باتوں میں ان کو علامہ اقبال کا یہ شعر پڑھ کر سنایا

غنیمت ہے مرا پیراہن چاک
نہیں اہل جنوں کا یہ زمانہ

شعر سن کر مرزا صاحب بے اختیار ہو گۓ اور پھوٹ پھوٹ کر رونے لگے۔ اقبال کا یہ شعر ہے بھی اتنا خوبصورت اور اثرانگیز کا ہر صاحب دل کی روح کو جھنجھوڑ کر رکھ دیتا ہے۔ مجھ جیسا ناچیز بھی نہ رہ سکا اور اسی وقت قلم اور کاغذ لے کر غزل کہنے بیٹھ گیا۔ شعر ہوتے گۓ اور میں لکھتا گیا۔ یہ تو نہیں معلوم کہ غزل کیسی ہے لیکن یہ ضرور جانتا ہوں کہ سراسر آمد کی ہے اور ایسا میرے ساتھ شاذونادر ہی ہوتا ہے۔ بہر کیف یہ غزل علامہ اقبال کی خدمت میں خراج عقیدت کے طور پر پیش کرتا ہوں۔ یہی میرے لۓ بہت ہے۔
سرور عالم راز سرور
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

غزل

زمانہ کی ادا ہے کافرانہ
جدا میری ہے طرز عاشقانہ

ترا ذوق طلب، نامحرمانہ
نہ آہ صبح، نے سوز شبانہ

شباب و شعر و صہباۓ محبت
بہت یاد آۓ ہے گذرا زمانہ

:چہ نسبت خاک را با عالم پاک:
کہاں میں اور کہاں وہ آستانہ

بہت نازک ہے ہر شاخ تمنا
بناییں ہم کہاں پھر آشیانہ

مکاں جو ہے وہ عکس لا مکاں ہے
اگرتیری نظر ہو عارفانہ

مری آہ و فغاں اک نے نوازی
مرا حرف شکایت؟ شاعرانہ

میں نظریں کیا ملاتا زندگی سے
اٹھیں لیکن اٹھیں وہ مجرمانہ

ہماری زندگی کیا زندگی ہے
مگر اک سانس لینے کا بہانہ

مجھے دیکھو مری حالت نہ پوچھو
مجھے آتا نہیں باتیں بنانا

الجھ کر رہ گیا میں روز و شب میں
سمجھ میں کب یہ آیا تانا بانا

نہ دیکھو اس طرح مجھ کو نہ دیکھو
بکھر جاءوں نہ ہو کر دانہ دانہ

مجھے ہے ہر کسو پر خود کا دھوکا
یہ دنیا ہے یا ہے آیینہ خانہ

نکالو راہ اپنی آپ سرور
کبھی دنیا کی باتوں میں نہ آنا

Janab Sarwar Saahab,
Salam qubool kijiye

beHud Haseen aur mukammal Ghazal hai. Jitni gunjaaish thee is zameen meN aap kul ki kul istaimaal karte huuwey nihayat Taweel Ghazal kahee hai. meree daad qubool farmaaiyega.

Roman meN type karte waqt m'amuli see ghalati huuwi hai. saatveN she'r meN aap "IK" ki jagah "EK" type kar gaye haiN jis se she'r ka wazn muta'asir ho raha hai. dekh lijiyega zaroori samjheN to "edit" kar lijiyega.

Khair andesh,
Jawaid