Zakhm bhar jaaye magar kyun dard yeh jata nahee
Vaqt ke kyun ghaanv marham koii bhar pata nahee
Husn chhal hai,ek bh’ram hai bas nazar ka,ishq men
Chaut khaane par bhi kyun sach yeh nazar aata nahi
Umrabhar maine bahaaye ashq ke dariyaa kaii
Yaad men jis kii, vo mere zakhm sehlaata nahi
jab se maine dekh li hai fizaa tere rukhsaar kii
tab se koi mausam merii biinaayi ko bhata nahii
hai fareb niigaah ka yaa dil pe ulfat ka asar
aaiina bhi juz tere kuchh aur dikhlaata nahii
Ranj hai is baat kaa loota di jis par zindagi
shaksh woH yaado se meri khud ko behlaata nahi
Chal diye aangan se dil ke saaye teri yaad ke
Aalam-e-tanhaayi kaa ab lutf bhii aata nahi
Haar kar bhee jeet jaaooN hoon sikandar ishq kaa
khel me.n ulfat ke kabhi yu.n maat mai.n khata nahi
maan kar jis ko khudaa karte rahe ham bandagii
wehsato.n ke vaqt hee kyun reh’m dil aata nahi
haadse ne jab kisee maasoom ki hai jaan li
kyun khuda dil ko tere maatam ye pighlaataa nahi
mai kharaa hoon hausalo ki phir vahii chattaaN ban
aandhiyaa aaye agar, mai.n un se ghabhraataa nahii.n
regards
manu
zakhm bhar jaaye magar kyun dard yeh jaata nahee
Moderator: Muzaffar Ahmad Muzaffar
-
sbashwar
- -
- Posts: 1654
- Joined: Wed Dec 08, 2004 1:25 pm
- Do you know URDU language?: Yes
- Location: Hyderabad, India
- Contact:
Re: zakhm bhar jaaye magar kyun dard yeh jaata nahee
Mohtaram Manu Saheb
jab se maine dekh li hai fizaa tere rukhsaar kii
tab se koi mausam merii biinaayi ko bhata nahii
Aapki ghazal ka har sheir qabil-e-daad hai. Ek umda inayat par meri dili daad qubool farmayiye.
Mukhlis
Salem Bashwar
jab se maine dekh li hai fizaa tere rukhsaar kii
tab se koi mausam merii biinaayi ko bhata nahii
Aapki ghazal ka har sheir qabil-e-daad hai. Ek umda inayat par meri dili daad qubool farmayiye.
Mukhlis
Salem Bashwar
سالم احمد باشوار
-
Muzaffar Ahmad Muzaffar
- -
- Posts: 1258
- Joined: Sun Feb 12, 2006 1:40 pm
- Location: London, England
- Contact:
Re: zakhm bhar jaaye magar kyun dard yeh jaata nahee
moHtaram Manu SaaHib aadaab!
kese mizaaj haiN? Aap kee Ghazal dekhee aor jee khush ho geyaa. mashAllah nihayat dilkash aor pur acar asha'aar se nawaza hai. sabhee asha'aar qaabil-e-daad haiN. kiya hee achcha ho agar aap yooN hee apne kalam se nawazte raheeN aor yooN ham sab ke zaoq-e-mut^alea'ah kaa bharpoor saamaan hotaa rahe gaa.
Zakhm bhar jaaye magar kyun dard yeh jata nahee
Vaqt ke kyun ghaanv marham koii bhar pata nahee
Waah Waah!
Husn chhal hai,ek bh’ram hai bas nazar ka,ishq men
Chaut khaane par bhi kyun sach yeh nazar aata nahi
Waah!
Umrabhar maine bahaaye ashq ke dariyaa kaii
Yaad men jis kii, vo mere zakhm sehlaata nahi
Waah!
jab se maine dekh li hai fizaa tere rukhsaar kii
tab se koi mausam merii biinaayi ko bhata nahii
yeh she'er wazan meN naheeN asakaa. jaesa keh aap jaante haiN keh yeh beHr ramal mucammen meHZoof hai. is ke arkaan yooN haiN. faai'laatun........faai'laatun..........faai'laatun.........faae'lun = 2122.......... 2122.......... 2122......... 212 pas is Hawalah se is kee aek shakl yeh ho saktee hai.
"jab se dekhee hai fiZ^aa maiN ne tere rukhsaar kee
koee maosam meree beenaee ko ab bhaataa naheeN"
======================
hai fareb niigaah ka yaa dil pe ulfat ka asar
aaiina bhi juz tere kuchh aur dikhlaata nahii
pehla miSra' beHr meN naheeN aasakaa. so yeh Surat ho saktee hai.
"dil peh ulfat kaa acar hai yaa nigaahooN kaa fareb?
=================
Ranj hai is baat kaa loota di jis par zindagi
shaksh woH yaado se meri khud ko behlaata nahi
Waah! is she'er meN ta'qeed-e-lafaz^ee ke dakhal kee wajah se she'er kaa lut^f phekaa paR geya hai. so yeh Surat mumkin hai.
ranj hai is baat kaa jis par luTaaee Zindagee
ranj hai is baat kaa jis par luTaaee thee Hayaat
meree yaadooN se woh apne dil ko behlaataa naheeN
==================
Chal diye aangan se dil ke saaye teri yaad ke
Aalam-e-tanhaayi kaa ab lutf bhii aata nahi
Waah!
Haar kar bhee jeet jaaooN hoon sikandar ishq kaa
khel me.n ulfat ke kabhi yu.n maat mai.n khata nahi
dusraa miSra' wazan meN naheN yeh Surat ho saktee hai. aor dusree baat yeh keh Sikandar kee wajah-e-shuhrat koee khel naheeN thaa balkeh jang-o-jadal thaa. so is hawalah se yahaN khel kehna durust nah ho gaa. baaqee aap behtar jaante haiN. yeh Surat dekheeN.
"e'shq ke maedaaN meN hamdam maat maiN khaataa naheeN"
====================
maan kar jis ko khudaa karte rahe ham bandagii
wehsato.n ke vaqt hee kyun reh’m dil aata nahi
wehsato.n=weHshatooN
haadse ne jab kisee maasoom ki hai jaan li
kyun khuda dil ko tere maatam ye pighlaataa nahi
Waah!
mai kharaa hoon hausalo ki phir vahii chattaaN ban
aandhiyaa aaye agar, mai.n un se ghabhraataa nahii.n
chaTTaaN=ChaTaan she'er kaa maZ^moon khub hai lekin zarra barabar Saaf karne se baat ta'qeed aor tarteeb kee wajah se mazeed dilkash aor waaZ^eH ho saktee hai. ya'nee.
"maiN khaRaa hoN ban ke phir se HaoSle kee ek ChaTaaN
laakh aaeeN aaNdhiyaaN maiN in se ghabraataa naheeN
=======================
meree jaanib se is khubSurat Ghazal par dilee daad qubool keejiye.
Wassalam
Muzaffar A Muzaffar[/color]
kese mizaaj haiN? Aap kee Ghazal dekhee aor jee khush ho geyaa. mashAllah nihayat dilkash aor pur acar asha'aar se nawaza hai. sabhee asha'aar qaabil-e-daad haiN. kiya hee achcha ho agar aap yooN hee apne kalam se nawazte raheeN aor yooN ham sab ke zaoq-e-mut^alea'ah kaa bharpoor saamaan hotaa rahe gaa.
Zakhm bhar jaaye magar kyun dard yeh jata nahee
Vaqt ke kyun ghaanv marham koii bhar pata nahee
Waah Waah!
Husn chhal hai,ek bh’ram hai bas nazar ka,ishq men
Chaut khaane par bhi kyun sach yeh nazar aata nahi
Waah!
Umrabhar maine bahaaye ashq ke dariyaa kaii
Yaad men jis kii, vo mere zakhm sehlaata nahi
Waah!
jab se maine dekh li hai fizaa tere rukhsaar kii
tab se koi mausam merii biinaayi ko bhata nahii
yeh she'er wazan meN naheeN asakaa. jaesa keh aap jaante haiN keh yeh beHr ramal mucammen meHZoof hai. is ke arkaan yooN haiN. faai'laatun........faai'laatun..........faai'laatun.........faae'lun = 2122.......... 2122.......... 2122......... 212 pas is Hawalah se is kee aek shakl yeh ho saktee hai.
"jab se dekhee hai fiZ^aa maiN ne tere rukhsaar kee
koee maosam meree beenaee ko ab bhaataa naheeN"
======================
hai fareb niigaah ka yaa dil pe ulfat ka asar
aaiina bhi juz tere kuchh aur dikhlaata nahii
pehla miSra' beHr meN naheeN aasakaa. so yeh Surat ho saktee hai.
"dil peh ulfat kaa acar hai yaa nigaahooN kaa fareb?
=================
Ranj hai is baat kaa loota di jis par zindagi
shaksh woH yaado se meri khud ko behlaata nahi
Waah! is she'er meN ta'qeed-e-lafaz^ee ke dakhal kee wajah se she'er kaa lut^f phekaa paR geya hai. so yeh Surat mumkin hai.
ranj hai is baat kaa jis par luTaaee Zindagee
ranj hai is baat kaa jis par luTaaee thee Hayaat
meree yaadooN se woh apne dil ko behlaataa naheeN
==================
Chal diye aangan se dil ke saaye teri yaad ke
Aalam-e-tanhaayi kaa ab lutf bhii aata nahi
Waah!
Haar kar bhee jeet jaaooN hoon sikandar ishq kaa
khel me.n ulfat ke kabhi yu.n maat mai.n khata nahi
dusraa miSra' wazan meN naheN yeh Surat ho saktee hai. aor dusree baat yeh keh Sikandar kee wajah-e-shuhrat koee khel naheeN thaa balkeh jang-o-jadal thaa. so is hawalah se yahaN khel kehna durust nah ho gaa. baaqee aap behtar jaante haiN. yeh Surat dekheeN.
"e'shq ke maedaaN meN hamdam maat maiN khaataa naheeN"
====================
maan kar jis ko khudaa karte rahe ham bandagii
wehsato.n ke vaqt hee kyun reh’m dil aata nahi
wehsato.n=weHshatooN
haadse ne jab kisee maasoom ki hai jaan li
kyun khuda dil ko tere maatam ye pighlaataa nahi
Waah!
mai kharaa hoon hausalo ki phir vahii chattaaN ban
aandhiyaa aaye agar, mai.n un se ghabhraataa nahii.n
chaTTaaN=ChaTaan she'er kaa maZ^moon khub hai lekin zarra barabar Saaf karne se baat ta'qeed aor tarteeb kee wajah se mazeed dilkash aor waaZ^eH ho saktee hai. ya'nee.
"maiN khaRaa hoN ban ke phir se HaoSle kee ek ChaTaaN
laakh aaeeN aaNdhiyaaN maiN in se ghabraataa naheeN
=======================
meree jaanib se is khubSurat Ghazal par dilee daad qubool keejiye.
Wassalam
Muzaffar A Muzaffar[/color]