• maiN tujh ko abb na pukaaruN ga kisii shaam ke baad

Posted: **Mon Feb 09, 2009 2:27 pm**

maiN tujh ko abb na pukaaruN ga kisii shaam ke baad
na tera chehra saNwaaruN ga kisii shaam ke baad

maiN tere saath guzaare huwe saare lamHaat
bikher dooN ga ujaaRun ga kisii shaam ke baad

tujhe Ghuroor o takabbur kii woh saza dooN ga
maiN apnii jaan ko haaruN ga kisii shaam ke baad

maiN raastoN se nishaaN apne sab miTa dooN ga
maiN naqlii chehra bigaaRuN ga kisii shaam ke baad

tu aa'ay dostii karne kii aarzoo meiN Khud
taRap woh dil meiN ubhaaruN ga kisii shaam ke baad

terii nazar mujhe DhooNde gi be kalii kii taraaH
tera sukoon ujaaRuN ga kisii shaam ke baad

maiN nafratoN se Hiqaarat se tujh ko dekhuN ga
"khayaa" dil se utaaruN ga kisii shaam ke baad

Ismail ajaz khayaal