yeh taKleeq ka silsilah kis liye hai?

[ismail ajaz]

tamaam paRhne waaloN ki nazr,janaab sohail malik SaHab kii Ghazal ki zameen meiN (Ghazal)jo kalaam e ilaahee meiN Allah rabbul izzat ne farmaa'ay hai keh,hum tumheiN aazma'aiN ge (1)Khauf se(2)bhook se(3)nuqsaan se(4)beemaaree se(5)aur tumhaaree lazat o maze tum se waapas le kar tumhaaree raaHateiN tum se waqtee taur par waapas le kar keh tum phir karte kya ho?

urdubandhan se mazboot bandhan joRne ke liye apne parhne waaloN se guzaarish aur ummeed keh aap aiHbaab apnee aaraa se bhii nawaazeiN ge



yeh taKleeq ka silsilah kis liye hai?
fanaa kis liye hai baqaa kis liye hai?

kaheeN Khuaf hai aur kaheeN bhook taaree
Khasaarah yeh baRhta huwaa kis liye hai?

takaaleef,bimaaree ,Gham aur HawaadiC
kaThin har taraf raastah kis liye hai?

zara Ghaur kar lo keh duniya mein har soo
yeh insaan hii mubtilaa kis liye hai?

yeh jeena yeh marna yeh rishte nibhaana
jaza o saza kii Sada kis liye hai?

zameeN peh kyuN bheja ,kyuN waapas bulaaya
yeh jannat o dozaKh bhlaa kis liye hai?

shab o roz meiN kaisee tabdeeliyaaN haiN
taGhayyur meiN ardh o samaa kis liye hai?

Ghuroor o takkabur kii chaadar utaaro
yeh waawela aah o baqaa kis liye hai?

"khayaal" aazmaa'ish meiN raaHat mile gii
tadabbur tafakkur du'aa kis liye hai?

taalib e duaa

Ismail ajaz khayaal