یاد رفتگاں :بیا دپروفسرڈاکٹرقمررئیس مرحوم،وائس چیرمین اردو ا
Posted: Fri May 01, 2009 11:54 am
یاد رفتگاں :بیا دپروفسرڈاکٹرقمررئیس مرحوم،وائس چیرمین اردو اکیڈمی دھلی
عزیز مکرم برقی صاحب: آداب
یہ چمن یوں ہی رہے گا اور مرغان چمن
اپنی اپنی بولیاں سب بول کر اڑ جائیں گے
لیجئے قمر رئیس صاحب بھی ہمیں داغ جدائی دے گئے۔ ایک ایک کر کے سب پرانے چراغ بجھتے جاتے ہیں اور نئے چراغوں میں وہ روشنی اور وہ فیض رسانی نظر نہیں آتی۔ قمر رئِس صاحب ان لوگوں میں سے تھے جن سے اردو کا نام روشن تھا۔ دنیائے اردو میں ان کا نام کب تک لوگوں کے لبوں تک رہے گا، اس سوال کا جواب اگر ہم اردو کی تاریخ میں ڈھونڈیں تو مایوسی کے سوا کچھ اور ہاتھ نہِیں آئے گا کیونکہ ہم اپنی زبان کے محسنوں کو بہت جلد بھول جاتےہیں اور نئی نسل تو اس میں کچھ زیادہ ہی آگے ہے۔ وہ جب غالب،، میر اور اقبال کو ہی بھولتی جا رہی ہے تو اس سے مزید اور کیا امید کی جا سکتی ہے۔ چند لوگ ہیں جو قصہ ہائے پارینہ کو دہرا لیتےہیں، گزرے ہوئے لوگوں اور وقت کا ماتم کر لیتَے ہیں ورنہ نئی پود اس حوالے سے معتبر نہیں ہے۔ رہے نام اللہ کا
وہ صورتیں الِہی کس دیس بستیاں ہیں
اب جن کے دیکھنے کو آنکھیں ترستیاں ہیں
سرور عالم راز سرور