• Meri taza Ghazal

Posted: **Wed Jun 17, 2009 8:01 am**

Koyii bhi kise se bhi besh.o.kum nahiN hota

Kaash is zamney meN yeh sitam nahiN hota

milteeN beTiyaaN usko gar bajaye beToN ke

boRhe baap ka deedah roz num nahiN hota

bekasoN pe tum itna zulm gar nahiN Dhaate

unke haath meN shayad aaj bum nahiN hota

maGribee mumalik meN usko beTa kahte haiN

jisko maaN ke marne ka koyee gham nahiN hota

jis ne dard baKhsha hai de nah woh shifa jab tak

charagar ke nusKhoN se dard kum nahiN hota

Khud hi qafila hooN main khud hi ik musafir hooN

mera hum nafas bhi ab hum qadam nahiN hota

jaur-e yaar per Jawaid kis liye ho tum HairaN

dil na jis ka paththar ho woh sanam nahiN hota

Aapki aara ka muntazir
Jawaid Badauni

Posted: **Wed Jun 17, 2009 5:15 pm**

Mohtarmee, kya zabardast ghazal pesh ki hai aapne... puri ghazal padhte waqt har ek sher main kahin waah aur kahin aah...... be-sakhta moonh se nikal raha tha. Shairi main "aamad" shayad aisi hi rawaan ghazal ko kehte hain.... Masha'Allah har ek sher apni misaal aap hai.. kis ki tareef karoon. Sirf ek sher agar chun na ho to main esko muntakhib karoonga kyon keh yeh haalaat-e-hazrah ki akkasi kar raha hai. Magar Jawaid ji, maghribee mumalik main to betiyaaN bhi betoN ki tarah.. sarphiree hoti hain...

maGribee mumalik meN usko beTa kahte haiN
jisko maaN ke marne ka koyee gham nahiN hota

Daad ke dher saare phool pesh-e-khidmat hain, qobool karein.

Taalib-e-dua,

Munir Armaan Nasimi

Posted: **Wed Jun 17, 2009 7:25 pm**

munir-armaan-nasimi wrote:Mohtarmee, kya zabardast ghazal pesh ki hai aapne... puri ghazal padhte waqt har ek sher main kahin waah aur kahin aah...... be-sakhta moonh se nikal raha tha. Shairi main "aamad" shayad aisi hi rawaan ghazal ko kehte hain.... Masha'Allah har ek sher apni misaal aap hai.. kis ki tareef karoon. Sirf ek sher agar chun na ho to main esko muntakhib karoonga kyon keh yeh haalaat-e-hazrah ki akkasi kar raha hai. Magar Jawaid ji, maghribee mumalik main to betiyaaN bhi betoN ki tarah.. sarphiree hoti hain...

maGribee mumalik meN usko beTa kahte haiN
jisko maaN ke marne ka koyee gham nahiN hota

Daad ke dher saare phool pesh-e-khidmat hain, qobool karein.

Taalib-e-dua,

Munir Armaan Nasimi

Mohtarmee Munir Arman Nasimi SaaHab
aadaab

aap ki dilchusp.o.purKhulooS daad ke liye aap ka beHud mamnoon hooN. aap ke giraNqadr tabsarey se meri bahut himmat afzaaayee huuwee hai. Jazak Allah. Ummid hai aaindah bhi apnee aara se mujhe nawazte raheNge.

Nacheez, Jawaid

Meri taza Ghazal

Meri taza Ghazal

Re: Meri taza Ghazal

Re: Meri taza Ghazal