Waqt ki aankh se dekho to yeh bahut puraanii lagti hai
Teray meray ishq ki baat ab faqt kahani lagti hai
Ban ke lahu takhleeq mirii kii ragh ragh men woh behti hai
Larki jo naadaan kabhii ,kabhii bahut siyaanii lagti hai
Ek ahad par maiN ne guzaarii tanha apnii umr tamaam
Aaj koyii soche to shaayad bahut hairaanii lagti hai
Kehnay ko gar kuchh na ho to bas pachheedah kar daalo
Baat samajh aaye na yahaan woh hii ruuhaanii lagti hai
Aur haseeN hoNgay dunyaa men us se bhii baR kar lekin
Achi itni phir kyuN mujhko woh mar-jaani lagti hai