Ek ghazal urdu bandhan ke shaeqqeen ke liye

[Ehsan Raza]

Apki samaatoN meN

Til bachey haiN na tel (oil) baqi hai
Ik faqat rail pail baqi hai

Gulshan-e- zeest ki munderoN per
Ek sookhi si bail baqi hai

Daore hazir ke na khuda se pooch
kiya koi aor fail baqi hai

Woh musafir jo saath chorh gaya
uski yadoN ki rail baqi hai

kash laot ayeN pal wo mazi ke
jin se sadiyoN ka mail baqi hai

KhooN ugaltee zameen pe Ehsan
Qatal_o_ gharat ka khel baqi hai

[sbashwar]

Mohtaram Ehsan Raza Saheb


kash laot ayeN pal wo mazi ke
jin se sadiyoN ka mail baqi hai

Meri daad aur mubarakbaad qubool farmayeN.

Mukhlis
Salem Bashwar

[Nayeem Khan]

Iss khoobsurat ghazal par daad pesh hai.