" charaaGh Aql o Khirad ke bujhaa diye tuu ne "

[ismail ajaz]

ilm o adab ilm e Arooz shEr shaaEree aur uskee Khidmat ke daAwedaaroN ko Khayaal kaa salaam
Arz Khidmat hai

Khud apne raaste mushkil banaa diye tuu ne
har ek samt hee kaaNTe bichaa diye tuu ne

adab ke naam peh dunyaa ko teergee dekar
" charaaGh Aql o Khirad ke bujhaa diye tuu ne "

tamaam umr tuu taihZeeb kaa banaa paikar
pas e Khayaal sabaq bhee bhulaa diye tuu ne

agar hai naaz bohot , Husn par tujhe apne
tow kyuN sab aa'ine ghar se haTaa diye tuu ne

Zaraa see chauT lagee jis peh tuu taRaptaa hai
kaleje sochaa keh kitne jalaa diye tuu ne

tuu sachchee baat se bezaar horahaa hai kyuN ?
jo mere lafz the sachche miTaa diye tuu ne

baRaa kamaal kiyaa tuu ne zindagee bhar meN
jo tere dost the dushman banaa diye tuu ne

tuu saath detaa hai shayetaan kaa jabhee insaaN
Khudaa ke madd e muqaabil biThaa diye tuu ne

Khirad kee baat ko aihl e junoon kyaa jaaneN
"Khayaal" kin ko yeh qiSSe sunaa diye tuu ne

Ismail Ajaz Khayaal

[azeezbelgaumi]

bahut khoob

[ismail ajaz]

"azeezbelgaumi"]bahut khoob

janaab moHtaram "azeezbelgaumi" SaaHeb
aap kaa beHad shukriyah .Allah paak aap ko dunyaa o aaKhirta kee izzatoN se nawaaze
mamnoon

[Tanwir Phool]

SUBHAAN ALLAH , bahut khoob Khayaal sb.
Daad aur dili mubaarakbaad qabool keeji'ey
Mukhlis
Tanwir Phool
http://duckduckgo.com/Tanwir_Phool