Hind Hai SadyoN Se Ek Gahwarah E Sher O Sukhan

[aabarqi]

Hind Hai SadyoN Se Ek Gahwarah E Sher O Sukhan
Ahmad Ali Barqi Azmi
Hind hai sadyon se ek gahwarah e sher o sukhan
Jis ka charcha har taraf hai anjuman dar anjuman

Mushtarak tahzeeb hai is ki nehayat dilfareb
Daman e dil kheenchti hai wadi e Gang o Jaman

Hali o chakbastr o Mulla, Meer o Ghalib aur Firaq
BaagbaaN gulzar e Urdu ke haiN shaikh o barhaman

Aaj bhi Pandit Data Shankar ki "Gulzar e Naseem"
Door kar dete hai zehn o dil se sab ranj o mehan

Hai nishat e rooh ka saman yeh sab ke liye
Kam na hoga ta abad Urdu Ghazal ka baankpan

Kaif o sarmasti se hai sarshar Urdu shayari
Is ki asnaf e sukhan haiN fakhr e abna e watan

Hai yeh Barqi Tarjuman e soz o saaz e zindagi
Mazhar e husn e bayaaN hai Is ka usloob e sukhan

[sbashwar]

bohat khoob.

[Tanwir Phool]